ਪ੍ਰਧਾਨ ਮੰਤਰੀ ਕ੍ਰਿਸਟੋਫਰ ਲਕਸਨ ਨੇ ਅੱਜ ਇੱਕ ਵੱਡਾ ਐਲਾਨ ਕੀਤਾ ਹੈ ਕਿ ਨਿਊਜ਼ੀਲੈਂਡ ਦੇ ਵਿੱਚ ਨਵੰਬਰ ਵਿੱਚ ਜਨਰਲ ਚੋਣਾਂ ਹੋਣਗੀਆਂ।ਮਿਤੀ 7 ਨਵੰਬਰ ਨਿਰਧਾਰਤ ਕੀਤੀ ਗਈ ਹੈ। ਉਨ੍ਹਾਂ ਇਹ ਐਲਾਨ ਕ੍ਰਾਈਸਚਰਚ ‘ਚ ਨੈਸ਼ਨਲ ਪਾਰਟੀ ਦੀ ਸਾਲ ਦੀ ਪਹਿਲੀ ਕਾਕਸ ਮੀਟਿੰਗ ਦੌਰਾਨ ਕੀਤਾ ਹੈ। 1996 ਵਿੱਚ MMP ਪ੍ਰਣਾਲੀ ਲਾਗੂ ਹੋਣ ਤੋਂ ਬਾਅਦ, ਪਿਛਲੇ 30 ਸਾਲਾਂ ਵਿੱਚ ਲਗਭਗ ਹਰ ਚੋਣ ਸਤੰਬਰ ਤੋਂ ਨਵੰਬਰ ਦੇ ਵਿਚਕਾਰ ਹੋਈ ਹੈ। ਕਈ ਸਿਆਸੀ ਵਿਸ਼ਲੇਸ਼ਕ ਪਹਿਲਾਂ ਹੀ 7 ਨਵੰਬਰ ਨੂੰ ਸੰਭਾਵਿਤ ਤਾਰੀਖ ਦੱਸ ਰਹੇ ਸਨ।
ਪ੍ਰਧਾਨ ਮੰਤਰੀ ਲਕਸਨ ਨੇ ਆਪਣੇ ਭਾਸ਼ਣ ‘ਚ ਕਿਹਾ ਕਿ ਪਿਛਲੇ ਦੋ ਸਾਲਾਂ ਵਿੱਚ ਨੈਸ਼ਨਲ ਨੇ ਕਾਫ਼ੀ ਕੰਮ ਕੀਤਾ ਹੈ, ਪਰ ਅੱਗੇ ਹੋਰ ਸਖਤ ਮਿਹਨਤ ਦੀ ਲੋੜ ਹੈ। ਉਨ੍ਹਾਂ ਅਨੁਸਾਰ, “ਇੱਕ ਅਸਥਿਰ ਮਾਹੌਲ ਵਿੱਚ ਨਿਊਜੀਲੈਂਡ ਵਾਸੀਆਂ ਨੂੰ ਫੈਸਲਾ ਕਰਨਾ ਹੋਵੇਗਾ ਕਿ ਉਹ ਕਿਹੜੀ ਸਰਕਾਰ ਚਾਹੁੰਦੇ ਹਨ।”