ਬਾਡੀ ਬਿਲਡਿੰਗ ਦੇ ਮੁਕਾਬਲਿਆਂ ‘ਚ ਨਿਊਜ਼ੀਲੈਂਡ ਵੱਸਦੇ ਇੱਕ ਪੰਜਾਬੀ ਨੇ ਵੱਡਾ ਰਿਕਾਰਡ ਬਣਾਇਆ ਹੈ। ਅਸੀਂ ਗੱਲ ਕਰ ਰਹੇ ਹਾਂ ਪੰਜਾਬੀ ਗੱਭਰੂ ਗੁਰਨੇਕ ਸਿੰਘ ਦੀ ਜਿਸ ਨੇ IFBB Waikato Natural Regions Competition ਵਿੱਚ ਪਹਿਲਾ ਸਥਾਨ ਹਾਸਿਲ ਕੀਤਾ ਹੈ। ਦੱਸ ਦੇਈਏ ਇੰਨਾਂ ਮੁਕਾਬਲਿਆਂ ‘ਚ ਦੇਸ਼-ਵਿਦੇਸ਼ ਤੋਂ ਕਈ ਚੋਟੀ ਦੇ ਖਿਡਾਰੀ ਹਿੱਸਾ ਲੈਣ ਪਹੁੰਚੇ ਸਨ ਪਰ ਗੁਰਨੇਕ ਨੇ ਆਪਣੀ ਮਹਿਨਤ, ਅਨੁਸ਼ਾਸਨ ਅਤੇ ਸਮਰਪਣ ਨਾਲ ਸਭ ਨੂੰ ਪਿੱਛੇ ਛੱਡ ਦਿੱਤਾ। ਇਸ ਉਪਲੱਬਧੀ ਮਗਰੋਂ ਗੁਰਨੇਕ ਨੇ ਕਿਹਾ ਕਿ ਇਹ ਸਫਲਤਾ ਸਿਰਫ਼ ਉਸਦੀ ਨਹੀਂ, ਸਗੋਂ ਉਸਦੇ ਮਾਤਾ-ਪਿਤਾ ਅਤੇ ਕੋਚ ਦੀ ਸਹਾਇਤਾ ਦਾ ਨਤੀਜਾ ਹੈ। ਗੁਰਨੇਕ ਨੇ ਕਿਹਾ ਕਿ ਉਹ ਅਗਲੇ ਅੰਤਰਰਾਸ਼ਟਰੀ ਪੱਧਰ ਦੇ ਮੁਕਾਬਲੇ ਲਈ ਤਿਆਰੀ ਕਰ ਰਿਹਾ ਹੈ।
