ਰਘਬੀਰ ਸਿੰਘ ਜੇ. ਪੀ ਨੂੰ ਗਹਿਰਾ ਸਦਮਾ ਲੱਗਿਆ ਹੈ। ਦਰਅਸਲ ਭਾਰਤ ਫੇਰੀ ਦੌਰਾਨ ਉਨ੍ਹਾਂ ਦੇ ਪਿਤਾ ਸ. ਮਲਕੀਤ ਸਿੰਘ ਦਾ ਦਿਹਾਂਤ ਹੋ ਗਿਆ ਹੈ। ਜਾਣਕਾਰੀ ਮੁਤਾਬਿਕ ਮਲਕੀਤ ਸਿੰਘ ਨਿਵਾਸੀ ਪਿੰਡ ਹੇੜੀਆਂ (ਜ਼ਿਲਾ ਸ਼ਹੀਦ ਭਗਤ ਸਿੰਘ ਨਗਰ, ਨਵਾਂ ਸ਼ਹਿਰ) ਬੀਤੇ ਦਿਨੀ ਪਰਿਵਾਰ ਨੂੰ ਵਿਛੋੜਾ ਦੇ ਗਏ ਹਨ। ਉਹ ਇਹਨੀਂ ਦਿਨੀਂ ਭਾਰਤ ਫੇਰੀ ‘ਤੇ ਸਨ। ਉਹ ਆਪਣੇ ਪਿੱਛੇ ਤਿੰਨ ਬੱਚਿਆਂ ਸ. ਰਘਵੀਰ ਸਿੰਘ, ਸਵ. ਕੁਲਵਿੰਦਰ ਸਿੰਘ ਕਿੰਦਾ ਅਤੇ ਅਮਰਜੀਤ ਕੌਰ (ਮੈਲਬਰਨ) ਦੇ ਪਿਤਾ ਸਨ। ਉਹ ਲੰਮੇ ਸਮੇਂ ਤੋਂ ਆਪਣੇ ਬੱਚਿਆਂ ਕੋਲ ਨਿਊਜ਼ੀਲੈਂਡ ਰਹਿੰਦੇ ਸਨ। ਪਰ ਪਿਛਲੇ ਦਿਨਾਂ ਦੌਰਾਨ ਭਾਰਤ ਫੇਰੀ ਵਿਚਕਾਰ ਬਿਮਾਰੀ ਤੋਂ ਬਾਅਦ ਇਸ ਫਾਨੀ ਸੰਸਾਰ ਨੂੰ ਅਲਵਿਦਾ ਕਹਿ ਗਏ। ਹਾਲ ਦੀ ਘੜੀ ਸ. ਰਘਬੀਰ ਸਿੰਘ ਜੇ.ਪੀ ਅਤੇ ਪਰਿਵਾਰ ਦੇ ਕਾਫੀ ਮੈਂਬਰ ਪੰਜਾਬ ਵਿੱਚ ਹੀ ਹਨ।
