ਤੁਹਾਡੇ ਆਪਣੇ ਰੇਡੀਓ ਸਾਡੇ ਆਲਾ ਅਤੇ NZ ਪੰਜਾਬੀ ਨਿਊਜ਼ ਦੇ ਵੱਲੋਂ ਕਰਵਾਏ ਜਾ ਰਹੇ ਦੀਵਾਲੀ ਮੇਲਾ ‘ਚ ਸ਼ਾਮਿਲ ਹੋਣ ਦੇ ਲਈ ਮਸ਼ਹੂਰ ਪੰਜਾਬੀ ਗਾਇਕ ਰੇਸ਼ਮ ਅਨਮੋਲ ਅੱਜ ਨਿਊਜ਼ੀਲੈਂਡ ਪਹੁੰਚ ਗਏ ਹਨ। ਆਕਲੈਂਡ ਏਅਰਪੋਰਟ ‘ਤੇ ਪਹੁੰਚਣ ਤੋਂ ਬਾਅਦ ਰੇਡੀਓ ਸਾਡੇ ਆਲਾ ਅਤੇ NZ ਪੰਜਾਬੀ ਨਿਊਜ਼ ਦੀ ਟੀਮ ਦੇ ਵੱਲੋਂ ਗਾਇਕ ਦਾ ਗਰਮਜੋਸ਼ੀ ਦੇ ਨਾਲ ਸਵਾਗਤ ਕੀਤਾ ਗਿਆ। ਦੱਸ ਦੇਈਏ 26 ਅਕਤੂਬਰ ਦਿਨ ਐਤਵਾਰ ਨੂੰ ਯਾਨੀ ਕਿ ਭਲਕੇ ਇਹ ਮੇਲਾ A1 Event Centre, 733 Great South Road, ਪਾਪਾਟੋਏਟੋਏ ਵਿਖੇ ਕਰਵਾਇਆ ਜਾਵੇਗਾ ਤੇ ਮੇਲੇ ਦੀ ਸ਼ੁਰੂਆਤ ਸ਼ਾਮ 7 ਵਜੇ ਹੋਵੇਗੀ। ਇੰਨਾਂ ਹੀ ਨਹੀਂ ਇਸ ਮੌਕੇ ਦੌਰਾਨ ਤੁਹਾਨੂੰ ਗਿੱਧੇ-ਭੰਗੜੇ ਦੀਆਂ ਕਈ ਤਰ੍ਹਾਂ ਦੀਆਂ ਮਨੋਰੰਜਕ ਪੇਸ਼ਕਾਰੀਆਂ ਵੀ ਦੇਖਣ ਨੂੰ ਮਿਲਣਗੀਆਂ। ਸਭ ਤੋਂ ਖਾਸ ਗੱਲ ਹੈ ਕਿ ਐਂਟਰੀ ਅਤੇ ਭੋਜਨ ਵੀ ਮੁਫ਼ਤ ਹੋਵੇਗਾ। ਇਸ ਦੌਰਾਨ ਹੜ੍ਹ ਪੀੜਤਾਂ ਦੀ ਕੀਤੀ ਮੱਦਦ ਲਈ ਗਾਇਕ ਰੇਸ਼ਮ ਅਨਮੋਲ ਨੂੰ ਸਨਮਾਨਿਤ ਵੀ ਕੀਤਾ ਜਾਵੇਗਾ। ਏਅਰਪੋਰਟ ਤੋਂ ਹੀ ਰੇਡੀਓ ਸਾਡੇ ਆਲਾ ਨਾਲ ਗੱਲਬਾਤ ਕਰਦਿਆਂ ਜਿੱਥੇ ਗਾਇਕ ਨੇ NZ ਵਾਸੀਆਂ ਨੂੰ ਦੀਵਾਲੀ ਮੇਲੇ ‘ਚ ਪਹੁੰਚਣ ਦੀ ਅਪੀਲ ਕੀਤੀ ਉੱਥੇ ਹੀ ਉਨ੍ਹਾਂ ਸਮੇਂ ਸਮੇਂ ‘ਤੇ ਰੇਡੀਓ ਸਾਡੇ ਆਲਾ ਵੱਲੋਂ ਕੀਤੇ ਜਾਂਦੇ ਉਪਰਾਲਿਆਂ ਦੀ ਵੀ ਸ਼ਲਾਂਘਾ ਕੀਤੀ।
