ਵੈਟੀਕਨ ਸਿਟੀ ਵਿੱਚ ਸਿਸਟੀਨ ਚੈਪਲ ਦੀ ਚਿਮਨੀ ਤੋਂ ਚਿੱਟੇ ਧੂੰਏਂ ਦਾ ਗੁਬਾਰ ਉੱਠਿਆ ਹੈ। ਇਸਦਾ ਮਤਲਬ ਹੈ ਕਿ ਕੈਥੋਲਿਕ ਚਰਚ ਦੇ ਕਾਰਡੀਨਲਾਂ ਨੇ ਅਗਲਾ ਪੋਪ ਚੁਣਿਆ ਹੈ। ਸੀਨੀਅਰ ਕਾਰਡੀਨਲਾਂ ਨੇ ਵੀਰਵਾਰ ਨੂੰ ਸੇਂਟ ਪੀਟਰਜ਼ ਸਕੁਏਅਰ ਵਿੱਚ ਐਲਾਨ ਕੀਤਾ ਕਿ ਸੰਯੁਕਤ ਰਾਜ ਅਮਰੀਕਾ ਦੇ ਰਾਬਰਟ ਪ੍ਰੀਵੋਸਟ ਕੈਥੋਲਿਕ ਚਰਚ ਦੇ ਨਵੇਂ ਪੋਪ ਹੋਣਗੇ ਅਤੇ ਉਨ੍ਹਾਂ ਨੂੰ ਪੋਪ ਲੀਓ XIV ਵਜੋਂ ਜਾਣਿਆ ਜਾਵੇਗਾ। ਰੌਬਰਟ ਪ੍ਰੀਵੋਸਟ ਪਹਿਲੇ ਅਮਰੀਕੀ ਪੋਪ ਹਨ। ਸਿਸਟੀਨ ਚੈਪਲ ਦੀ ਚਿਮਨੀ ਵਿੱਚੋਂ ਚਿੱਟਾ ਧੂੰਆਂ ਨਿਕਲਣਾ ਸ਼ੁਰੂ ਹੋਣ ਤੋਂ ਲਗਭਗ 70 ਮਿੰਟ ਬਾਅਦ ਪੋਪ ਲਿਓ ਸੇਂਟ ਪੀਟਰਜ਼ ਬੇਸਿਲਿਕਾ ਦੀ ਕੇਂਦਰੀ ਬਾਲਕੋਨੀ ਵਿੱਚੋਂ ਬਾਹਰ ਆਏ। ਫਿਰ ਇਹ ਸਪੱਸ਼ਟ ਹੋ ਗਿਆ ਕਿ 133 ਕਾਰਡੀਨਲ ਇਲੈਕਟਰਾਂ ਨੇ ਕੈਥੋਲਿਕ ਚਰਚ ਲਈ ਇੱਕ ਨਵਾਂ ਆਗੂ ਚੁਣਿਆ ਹੈ। ਫਰਾਂਸ ਦੇ ਕਾਰਡੀਨਲ ਡੋਮਿਨਿਕ ਮੈਮਬਰਟੀ ਨੇ ਨਵੇਂ ਪੋਪ ਵਜੋਂ ਰਾਬਰਟ ਪ੍ਰੀਵੋਸਟ ਦੇ ਨਾਮ ਦਾ ਐਲਾਨ ਕੀਤਾ। “ਸਾਡੇ ਕੋਲ ਇੱਕ ਪੋਪ ਹੈ,” ਉਨ੍ਹਾਂ ਨੇ ਸੇਂਟ ਪੀਟਰਜ਼ ਸਕੁਏਅਰ ਵਿੱਚ ਇਕੱਠੇ ਹੋਏ ਹਜ਼ਾਰਾਂ ਲੋਕਾਂ ਨੂੰ ਇਹ ਗੱਲ ਆਖੀ।
