ਆਕਲੈਂਡ ਦੀ Southern Motorway (SH1) ਦਾ ਇੱਕ ਮਹੱਤਵਪੂਰਨ ਹਿੱਸਾ ਸ਼ਨੀਵਾਰ ਰਾਤ ਦੋਵੇਂ ਦਿਸ਼ਾਵਾਂ ਵੱਲੋਂ ਬੰਦ ਕੀਤਾ ਜਾ ਰਿਹਾ ਹੈ। ਇਹ ਰਾਹ ਪਾਪਾਕੁਰਾ ਤੋਂ ਡਰੂਰੀ ਦਰਮਿਆਨ ਬੰਦ ਰਹੇਗਾ। ਨਿਊਜ਼ੀਲੈਂਡ ਟਰਾਂਸਪੋਰਟ ਏਜੰਸੀ (NZTA) ਮੁਤਾਬਿਕ ਇਹ ਬੰਦਸ਼ ਸ਼ਨੀਵਾਰ ਸ਼ਾਮ 7:30 ਵਜੇ ਤੋਂ ਐਤਵਾਰ ਸਵੇਰੇ 9:30 ਵਜੇ ਤੱਕ, ਕੁੱਲ 14 ਘੰਟਿਆਂ ਲਈ ਰਹੇਗੀ। ਇਹ ਕਦਮ ਬ੍ਰੇਮਨਰ ਰੋਡ ਓਵਰਬ੍ਰਿਜ਼ ਨੂੰ ਢਾਹੁਣ ਲਈ ਚੁੱਕਿਆ ਜਾ ਰਿਹਾ ਹੈ। ਮੌਜੂਦਾ ਪੁਲ ਨੂੰ ਪਾਪਾਕੁਰਾ ਤੋਂ ਡਰੂਰੀ ਮੋਟਰਵੇ ਵਿਸਥਾਰ ਪ੍ਰੋਜੈਕਟ ਤਹਿਤ ਵਧੇਰੇ ਲੇਨਾਂ ਲਈ ਤਬਦੀਲ ਕੀਤਾ ਜਾ ਰਿਹਾ ਹੈ।
ਟ੍ਰੈਫਿਕ ਉੱਤੇ ਅਸਰ
ਇਸ ਬੰਦਸ਼ ਕਾਰਨ ਵਾਹਨਾਂ ਨੂੰ ਪਾਪਾਕੁਰਾ ਅਤੇ ਡਰੂਰੀ ਵਿਚਕਾਰ ਦੋਵੇਂ ਪਾਸਿਆਂ ਤੋਂ ਬੀਚ ਰੋਡ ਅਤੇ ਗ੍ਰੇਟ ਸਾਊਥ ਰੋਡ ਰਾਹੀਂ (detoured ) ਮੋੜਿਆ ਜਾਵੇਗਾ। ਯਾਤਰੀਆਂ ਨੂੰ ਪਹਿਲਾਂ ਤੋਂ ਯੋਜਨਾ ਬਣਾਉਣ ਅਤੇ ਦੇਰੀ ਲਈ ਤਿਆਰ ਰਹਿਣ ਦੀ ਸਲਾਹ ਦਿੱਤੀ ਗਈ ਹੈ।
ਵੱਡਾ ਅੱਪਗ੍ਰੇਡ ਪ੍ਰੋਜੈਕਟ
ਪਾਪਾਕੁਰਾ ਤੋਂ ਡਰੂਰੀ ਮੋਟਰਵੇ ਅੱਪਗ੍ਰੇਡ ਪ੍ਰੋਜੈਕਟ ਅਗਸਤ 2030 ਤੱਕ ਪੂਰਾ ਹੋਣ ਦੀ ਸੰਭਾਵਨਾ ਹੈ। ਪ੍ਰੋਜੈਕਟ ਤਹਿਤ:
ਦੋਵੇਂ ਦਿਸ਼ਾਵਾਂ ਵਿੱਚ ਤਿੰਨ-ਤਿੰਨ ਲੇਨਾਂ ਦਾ ਹੋਵੇਗਾ ਵਿਸਥਾਰ
ਡਰੂਰੀ ਇੰਟਰਚੇਂਜ ਦੀ ਉੱਚਾਈ ਅਤੇ ਤਬਦੀਲੀ
ਰੇਲ ਇਲੈਕਟ੍ਰੀਫਿਕੇਸ਼ਨ ਅਤੇ ਭਵਿੱਖ ਦੀਆਂ ਰੇਲ ਲਾਈਨਾਂ ਲਈ ਤਿਆਰੀ
ਛੇ ਨਵੇਂ ਮੋਟਰਵੇ ਪੁਲਾਂ ਦੀ ਉਸਾਰੀ
ਦੋ ਸਥਾਨਕ ਸੜਕ ਪੁਲਾਂ ਦੀ ਬਦਲੀ
ਗ੍ਰੇਟ ਸਾਊਥ ਰੋਡ ਹੇਠਾਂ 4 ਕਿਮੀ ਵਾਕਿੰਗ ਅਤੇ ਸਾਈਕਲਿੰਗ ਟ੍ਰੈਕ
ਸੁਰੱਖਿਆ, ਲਾਈਟਿੰਗ ਅਤੇ ਵਾਤਾਵਰਣ ਸੰਬੰਧੀ ਸੁਧਾਰ
NZTA ਨੇ ਯਾਤਰੀਆਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਬੰਦਸ਼ ਦੌਰਾਨ ਬਦਲਵੇਂ ਰਸਤੇ ਵਰਤਣ ਅਤੇ ਯਾਤਰਾ ਲਈ ਵਾਧੂ ਸਮਾਂ ਰੱਖਣ।