ਉੱਤਰੀ Auckland ਦੇ Whangaparāoa Peninsula ਵਿੱਚ ਦੋ ਕਾਰਾਂ ਦੀ ਟੱਕਰ ਤੋਂ ਬਾਅਦ ਪੈਦਲ ਯਾਤਰੀਆਂ ਸਮੇਤ ਸੱਤ ਲੋਕ ਜ਼ਖਮੀ ਹੋ ਗਏ ਹਨ।
ਪੁਲਿਸ ਦੇ ਬੁਲਾਰੇ ਮੁਤਾਬਕ ਇਹ ਹਾਦਸਾ Whangaparāoa Road ਦੇ ਮੁੱਖ ਰਸਤੇ ‘ਤੇ, ਮੈਨਲੀ ਇਲਾਕੇ ਵਿੱਚ, ਸ਼ਾਮ ਲਗਭਗ 4 ਵਜੇ ਤੋਂ ਥੋੜ੍ਹਾ ਪਹਿਲਾਂ ਵਾਪਰਿਆ।
ਬੁਲਾਰੇ ਨੇ ਦੱਸਿਆ ਕਿ ਜ਼ਖਮੀਆਂ ਨੂੰ ਹਲਕੀਆਂ ਸੱਟਾਂ ਲੱਗੀਆਂ ਹਨ।
ਘਟਨਾ ਸਥਾਨ ‘ਤੇ ਫਾਇਰ ਐਂਡ ਐਮਰਜੈਂਸੀ ਦੀਆਂ ਦੋ ਟੀਮਾਂ ਨੂੰ ਬੁਲਾਇਆ ਗਿਆ ਸੀ। FENZ ਦੇ ਸ਼ਿਫਟ ਮੈਨੇਜਰ ਪਾਲ ਰੈਡਨ ਨੇ ਕਿਹਾ ਕਿ ਮੌਕੇ ‘ਤੇ ਪਹੁੰਚਣ ‘ਤੇ ਫਾਇਰਫਾਈਟਰਾਂ ਨੇ ਦੇਖਿਆ ਕਿ ਦੋ ਕਾਰਾਂ ਅਤੇ ਪੈਦਲ ਯਾਤਰੀਆਂ ਨਾਲ ਸੰਬੰਧਿਤ ਹਾਦਸਾ ਵਾਪਰਿਆ ਹੈ।
ਇੱਕ ਟੀਮ ਵਾਪਸ ਚਲੀ ਗਈ ਹੈ ਜਦਕਿ ਦੂਜੀ ਟੀਮ ਹਾਲੇ ਵੀ ਸੇਂਟ ਜੌਨ ਐਂਬੂਲੈਂਸ ਅਤੇ ਪੁਲਿਸ ਦੇ ਨਾਲ ਮਿਲ ਕੇ ਮੌਕੇ ‘ਤੇ ਕੰਮ ਕਰ ਰਹੀ ਹੈ।