ਕੱਲ੍ਹ ਸਵੇਰੇ ਮਾਊਂਟ ਮੌਂਗਾਨੁਈ ਦੇ ਇੱਕ ਕੈਂਪਗ੍ਰਾਉਂਡ ਵਿੱਚ ਵੱਡੇ ਪੱਧਰ ‘ਤੇ ਜ਼ਮੀਨ ਖਿਸਕਣ (landslide) ਤੋਂ ਬਾਅਦ ਛੇ ਲੋਕ ਅਜੇ ਵੀ ਲਾਪਤਾ ਹਨ। ਲਾਪਤਾ ਲੋਕਾਂ ਵਿੱਚੋਂ ਸਭ ਤੋਂ ਛੋਟਾ 15 ਸਾਲ ਦਾ ਜਵਾਕ ਹੈ। ਪੁਲਿਸ ਤਿੰਨ ਹੋਰ ਵਿਅਕਤੀਆਂ ਬਾਰੇ ਜਾਣਕਾਰੀ ਮੰਗ ਰਹੀ ਹੈ, ਜੋ ਅੰਤਰਰਾਸ਼ਟਰੀ ਸੈਲਾਨੀ ਹੋ ਸਕਦੇ ਹਨ। ਵੀਰਵਾਰ ਨੂੰ ਪਾਪਾਮੋਆ ਵਿੱਚ ਇੱਕ ਘਰ ਨੂੰ slip damaged ਨਾਲ ਨੁਕਸਾਨ ਪਹੁੰਚਣ ਤੋਂ ਬਾਅਦ ਦੋ ਲੋਕਾਂ ਦੀ ਮੌਤ ਹੋਣ ਦੀ ਪੁਸ਼ਟੀ ਹੋਈ ਹੈ। ਜਦਕਿ ਇੱਕ ਹੋਰ ਵਿਅਕਤੀ ਗੰਭੀਰ ਜ਼ਖਮੀ ਹੋ ਗਿਆ।
ਉੱਤਰੀ ਟਾਪੂ ਦੇ ਨੈੱਟਵਰਕ ਵਿੱਚ ਕੁਝ ਇਲਾਕਿਆਂ ਵਿੱਚ ਬਿਜਲੀ ਬੰਦ ਹੈ। ਸੜਕਾਂ ਬੰਦ ਹੋਣ ਕਾਰਨ ਵਾਂਗਾਮਾਟਾ ਅਤੇ ਪੂਰਬੀ ਤੱਟ ਦੇ ਖੇਤਰਾਂ ਵਿੱਚ ਬਿਜਲੀ ਸਪਲਾਈ ਬੰਦ ਹੈ। ਮੈਟਸਰਵਿਸ ਨੇ ਅੱਜ ਦੁਪਹਿਰ ਕ੍ਰਾਈਸਚਰਚ ਲਈ ਵੀ ਇੱਕ ਗੰਭੀਰ ਤੂਫ਼ਾਨ ਦੀ ਚਿਤਾਵਨੀ ਜਾਰੀ ਕੀਤੀ ਹੈ।