ਭਾਰਤ ਅਤੇ ਦੱਖਣੀ ਅਫਰੀਕਾ ਵਿਚਕਾਰ ਦੋ ਟੈਸਟ ਮੈਚਾਂ ਦੀ ਲੜੀ ਦਾ ਪਹਿਲਾ ਮੈਚ ਕੋਲਕਾਤਾ ਦੇ ਈਡਨ ਗਾਰਡਨ ਵਿਖੇ ਖੇਡਿਆ ਗਿਆ। ਦੱਖਣੀ ਅਫਰੀਕਾ ਨੇ 30 ਦੌੜਾਂ ਨਾਲ ਜਿੱਤ ਪ੍ਰਾਪਤ ਕਰ ਲਈ ਹੈ। ਪਿੱਛਾ ਕਰਨ ਦੌਰਾਨ, ਭਾਰਤੀ ਟੀਮ ਦੂਜੀ ਪਾਰੀ ਵਿੱਚ ਸਿਰਫ਼ 93 ਦੌੜਾਂ ‘ਤੇ ਢੇਰ ਹੋ ਗਈ। ਮੈਚ ਤੀਜੇ ਦਿਨ (16 ਨਵੰਬਰ) ਦੇ ਦੂਜੇ ਸੈਸ਼ਨ ਵਿੱਚ ਖਤਮ ਹੋਇਆ। ਦੱਖਣੀ ਅਫਰੀਕਾ ਲਈ, ਸਪਿਨਰ ਹਾਰਮਰ ਨੇ ਇਸ ਮੈਚ ਵਿੱਚ ਕੁੱਲ ਅੱਠ ਵਿਕਟਾਂ (ਹਰੇਕ ਪਾਰੀ ਵਿੱਚ ਚਾਰ) ਲਈਆਂ। ਟੈਸਟ ਲੜੀ ਦਾ ਦੂਜਾ ਮੈਚ 22 ਨਵੰਬਰ ਤੋਂ ਗੁਹਾਟੀ ਵਿੱਚ ਖੇਡਿਆ ਜਾਣਾ ਹੈ।
ਮੈਚ ‘ਚ ਦੱਖਣੀ ਅਫਰੀਕਾ ਦੇ ਕਪਤਾਨ ਟੇਂਬਾ ਬਾਵੁਮਾ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਸੀ। ਦੱਖਣੀ ਅਫਰੀਕਾ ਨੇ ਆਪਣੀ ਪਹਿਲੀ ਪਾਰੀ ਵਿੱਚ ਸਿਰਫ਼ 159 ਦੌੜਾਂ ਬਣਾਈਆਂ। ਜਵਾਬ ਵਿੱਚ, ਭਾਰਤੀ ਟੀਮ ਨੇ ਪਹਿਲੀ ਪਾਰੀ ਵਿੱਚ 189 ਦੌੜਾਂ ਬਣਾਈਆਂ। ਪਹਿਲੀ ਪਾਰੀ ਦੇ ਆਧਾਰ ‘ਤੇ, ਭਾਰਤ ਨੇ 30 ਦੌੜਾਂ ਦੀ ਲੀਡ ਲੈ ਲਈ। ਫਿਰ ਦੱਖਣੀ ਅਫਰੀਕਾ ਨੇ ਦੂਜੀ ਪਾਰੀ ਵਿੱਚ 153 ਦੌੜਾਂ ਬਣਾਈਆਂ, ਜਿਸ ਮਗਰੋਂ ਭਾਰਤ ਨੂੰ 124 ਦੌੜਾਂ ਦਾ ਟੀਚਾ ਮਿਲਿਆ। ਪਰ ਭਾਰਤੀ ਟੀਮ 93 ਦੌੜਾਂ ‘ਤੇ ਢੇਰ ਹੋ ਗਈ। ਦੱਸ ਦੇਈਏ 15 ਸਾਲਾਂ ਬਾਅਦ ਭਾਰਤ ਘਰੇਲੂ ਮੈਦਾਨ ‘ਤੇ ਹਾਰਿਆ ਹੈ।