ਨਿਊਜ਼ੀਲੈਂਡ ਵਾਸੀਆਂ ‘ਤੇ ਵੀ ਮੌਸਮ ਦੀ ਮਾਰ ਪੈ ਰਹੀ ਹੈ। ਅੱਗ ਬੁਝਾਊ ਅਮਲੇ ਰਾਤ ਭਰ ਰੁੱਝੇ ਰਹੇ ਹਨ ਜੋ 100 ਤੋਂ ਵੱਧ ਮੌਸਮ ਨਾਲ ਸਬੰਧਿਤ ਕਾਲ-ਆਊਟ ਵਿੱਚ ਸ਼ਾਮਿਲ ਹੋਏ ਸਨ। ਕਿਉਂਕਿ ਉੱਤਰੀ ਟਾਪੂ ਤੇਜ਼ ਹਵਾਵਾਂ ਅਤੇ ਭਾਰੀ ਮੀਂਹ ਨਾਲ ਪ੍ਰਭਾਵਿਤ ਹੋਇਆ ਸੀ। ਤੇਜ਼ ਹਵਾਵਾਂ ਨੇ ਆਕਲੈਂਡ, ਵਾਈਕਾਟੋ ਅਤੇ ਬੇਅ ਆਫ਼ ਪਲੈਂਟੀ ਵਿੱਚ ਕਈ ਦਰੱਖਤ ਪੱਟ ਦਿੱਤੇ ਨੇ ਅਤੇ ਬਿਜਲੀ ਦੀਆਂ ਤਾਰਾਂ ਨੂੰ ਤੋੜ ਦਿੱਤਾ ਹੈ। ਇੱਕ ਫਾਇਰ ਐਂਡ ਐਮਰਜੈਂਸੀ ਬੁਲਾਰੇ ਨੇ ਕਿਹਾ ਕਿ ਆਕਲੈਂਡ ਵਿੱਚ 114, ਵਾਈਕਾਟੋ ਵਿੱਚ 29, ਨੌਰਥਲੈਂਡ ਵਿੱਚ ਤਿੰਨ ਅਤੇ ਬੇਅ ਆਫ਼ ਪਲੈਂਟੀ ਵਿੱਚ ਨੌਂ ਕਾਲ-ਆਊਟ ਸਨ। ਹਾਲਾਂਕਿ ਰਾਹਤ ਵਾਲੀ ਗੱਲ ਹੈ ਕਿ ਕੋਈ ਜ਼ਖਮੀ ਨਹੀਂ ਹੋਇਆ ਹੈ।
