ਮੰਗਲਵਾਰ ਸਵੇਰੇ ਇਸਲਾ ਬੈਂਕ ਦੇ ਸਾਊਥਲੈਂਡ ਪੇਂਡੂ ਇਲਾਕੇ ਵਿੱਚ ਇੱਕ ਗੰਭੀਰ ਹਾਦਸੇ ਵਿੱਚ ਦੋ ਲੋਕਾਂ ਦੀ ਮੌਤ ਹੋ ਗਈ ਹੈ। ਇਨਵਰਕਾਰਗਿਲ ਤੋਂ ਲਗਭਗ 37 ਕਿਲੋਮੀਟਰ ਉੱਤਰ-ਪੱਛਮ ਵਿੱਚ ਫੇਅਰਫੈਕਸ-ਇਸਲਾ ਬੈਂਕ ਰੋਡ ਅਤੇ ਇਸਲਾ ਬੈਂਕ-ਫਲਿੰਟਸ ਬੁਸ਼ ਰੋਡ ਦੇ ਚੌਰਾਹੇ ‘ਤੇ ਦੋ ਕਾਰਾਂ ਦੀ ਟੱਕਰ ਦੀ ਸੂਚਨਾ ਐਮਰਜੈਂਸੀ ਸੇਵਾਵਾਂ ਨੂੰ ਸਵੇਰੇ 9 ਵਜੇ ਤੋਂ ਠੀਕ ਪਹਿਲਾਂ ਦਿੱਤੀ ਗਈ ਸੀ।
ਇੱਕ ਪੁਲਿਸ ਬੁਲਾਰੇ ਨੇ ਕਿਹਾ ਕਿ, “ਐਮਰਜੈਂਸੀ ਸੇਵਾਵਾਂ ਦੇ ਸਭ ਤੋਂ ਵਧੀਆ ਯਤਨਾਂ ਦੇ ਬਾਵਜੂਦ, ਦੋ ਲੋਕਾਂ ਦੀ ਘਟਨਾ ਸਥਾਨ ‘ਤੇ ਹੀ ਮੌਤ ਹੋ ਗਈ।” ਪੁਲਿਸ ਨੇ ਕਿਹਾ ਕਿ ਸੀਰੀਅਸ ਕਰੈਸ਼ ਯੂਨਿਟ ਦੁਆਰਾ ਸੀਨ ਜਾਂਚ ਤੋਂ ਬਾਅਦ ਸੜਕ ਨੂੰ ਦੁਬਾਰਾ ਖੋਲ੍ਹ ਦਿੱਤਾ ਗਿਆ ਹੈ। ਹਾਦਸੇ ਦੀ ਪੁੱਛਗਿੱਛ ਜਾਰੀ ਹੈ।