ਸਿਹਤ ਮੰਤਰਾਲੇ ਨੇ ਦੱਸਿਆ ਹੈ ਕਿ ਨਿਊਜ਼ੀਲੈਂਡ ਵਿੱਚ ਐਤਵਾਰ ਨੂੰ 10,239 ਨਵੇਂ ਕੋਵਿਡ -19 ਕਮਿਊਨਿਟੀ ਮਾਮਲੇ ਸਾਹਮਣੇ ਆਏ ਹਨ। ਉੱਥੇ ਹੀ ਵਾਇਰਸ ਕਾਰਨ ਹਸਪਤਾਲ ਵਿੱਚ 848 ਲੋਕ ਹਨ, ਜਦਕਿ ਆਈਸੀਯੂ ਵਿੱਚ 28 ਕੇਸ ਹਨ। ਮੰਤਰਾਲੇ ਨੇ ਕੋਵਿਡ ਨਾਲ ਸਬੰਧਿਤ ਚਾਰ ਮੌਤਾਂ ਦੀ ਘੋਸ਼ਣਾ ਵੀ ਕੀਤੀ ਹੈ। ਐਤਵਾਰ ਦੇ 10,239 ਸਕਾਰਾਤਮਕ ਕੇਸ, ਰੈਪਿਡ ਐਂਟੀਜੇਨ ਟੈਸਟਾਂ (RATs) ਅਤੇ PCR ਟੈਸਟਾਂ ਦੁਆਰਾ ਨੌਰਥਲੈਂਡ (382), ਆਕਲੈਂਡ (1,886), ਵਾਈਕਾਟੋ (913), ਬੇ ਆਫ ਪਲੇਨਟੀ (617), ਲੇਕਸ (308), ਹਾਕਸ ਬੇ ( 541), ਮਿਡਸੈਂਟਰਲ (493), ਵਾਂਗਾਨੁਈ (223), ਤਰਨਾਕੀ (431), ਟਾਈਰਾਵਿਟੀ (135), ਵੈਰਾਰਾਪਾ (105), ਕੈਪੀਟਲ ਐਂਡ ਕੋਸਟ (692), ਹੱਟ ਵੈਲੀ (349), ਨੈਲਸਨ ਮਾਰਲਬਰੋ (405), ਕੈਂਟਰਬਰੀ (1,750) ), ਦੱਖਣੀ ਕੈਂਟਰਬਰੀ (199), ਦੱਖਣੀ (772) ਅਤੇ ਵੈਸਟ ਕੋਸਟ (36), ਵਿੱਚ ਦਰਜ ਕੀਤੇ ਗਏ ਹਨ ਜਦਕਿ ਕੇਸਾਂ ਵਿੱਚੋਂ ਦੋ ਦਾ ਸਥਾਨ ਅਣਜਾਣ ਹੈ।
ਐਤਵਾਰ ਨੂੰ ਰਿਪੋਰਟ ਕੀਤੇ ਕੇਸਾਂ ਅਤੇ ਮੌਤਾਂ ਦੀ ਗਿਣਤੀ ਸ਼ਨੀਵਾਰ ਤੋਂ ਘੱਟ ਹੈ ਜਿੱਥੇ 14,175 ਕੇਸ ਦਰਜ ਕੀਤੇ ਗਏ ਸਨ ਅਤੇ 20 ਕੋਵਿਡ-ਸਬੰਧਿਤ ਮੌਤਾਂ ਹੋਈਆਂ ਸਨ। ਐਤਵਾਰ ਨੂੰ ਹੋਈਆਂ ਚਾਰ ਕੋਵਿਡ-ਸਬੰਧਿਤ ਮੌਤਾਂ ਵਿੱਚੋਂ, ਦੋ ਵੈਲਿੰਗਟਨ ਖੇਤਰ ਤੋਂ ਹਨ, ਇੱਕ ਵਿਅਕਤੀ ਆਕਲੈਂਡ ਖੇਤਰ ਤੋਂ ਹੈ, ਅਤੇ ਇੱਕ ਓਟੈਗੋ/ਸਾਊਥਲੈਂਡ ਖੇਤਰ ਤੋਂ ਹੈ। ਐਤਵਾਰ ਦੇ ਅੰਕੜਿਆਂ ਮਗਰੋਂ ਨਿਊਜ਼ੀਲੈਂਡ ‘ਚ ਰਿਪੋਰਟ ਕੀਤੀਆਂ ਕੋਵਿਡ-ਸਬੰਧਿਤ ਮੌਤਾਂ ਦੀ ਕੁੱਲ ਸੰਖਿਆ 258 ਹੋ ਗਈ ਹੈ।