ਨਿਊਜ਼ੀਲੈਂਡ ‘ਚ ਕੋਰੋਨਾ ਦੀ ਮਾਰ ਅਜੇ ਵੀ ਬਰਕਰਾਰ ਹੈ। ਪਿਛਲੇ ਹਫ਼ਤੇ ਦੌਰਾਨ ਦੇਸ਼ ‘ਚ ਕੋਵਿਡ-19 ਦੇ 2343 ਨਵੇਂ ਮਾਮਲੇ ਸਾਹਮਣੇ ਆਏ ਹਨ ਜਦਕਿ ਵਾਇਰਸ ਕਾਰਨ 11 ਹੋਰ ਮੌਤਾਂ ਹੋਈਆਂ ਹਨ। ਕੈਂਟਰਬਰੀ ‘ਚ ਸਭ ਤੋਂ ਵੱਧ 399 ਰਿਪੋਰਟ ਕੀਤੇ ਗਏ ਐਕਟਿਵ ਕੇਸ ਸਨ, ਇਸਦੇ ਬਾਅਦ ਕੈਪੀਟਲ ਅਤੇ ਕੋਸਟ 217 ਦੇ ਨਾਲ। ਸਿਹਤ ਮੰਤਰਾਲੇ ਨੇ ਕਿਹਾ ਕਿ ਐਤਵਾਰ ਅੱਧੀ ਰਾਤ ਤੱਕ ਹਸਪਤਾਲ ਵਿੱਚ 159 ਮਰੀਜ਼ ਦਾਖਲ ਸਨ।
ਨਵੇਂ ਕੇਸਾਂ ਵਿੱਚੋਂ 1445 ਮੁੜ ਲਾਗ ਦੇ ਮਾਮਲੇ ਸਨ। ਨਵੇਂ ਕੇਸਾਂ ਦੀ ਸੱਤ ਦਿਨਾਂ ਦੀ ਰੋਲਿੰਗ ਔਸਤ 335 ਸੀ। ਇਸ ਤੋਂ ਪਹਿਲਾਂ ਪਿਛਲੇ ਹਫ਼ਤੇ ਮੰਤਰਾਲੇ ਨੇ ਵਾਇਰਸ ਕਾਰਨ 2383 ਨਵੇਂ ਕੇਸ ਅਤੇ 21 ਹੋਰ ਮੌਤਾਂ ਦੀ ਰਿਪੋਰਟ ਸਾਂਝੀ ਕੀਤੀ ਸੀ।