ਬੁੱਧਵਾਰ ਨੂੰ ਨਿਊਜ਼ੀਲੈਂਡ ਵਿੱਚ 4489 ਨਵੇਂ ਕੋਵਿਡ -19 ਕਮਿਊਨਿਟੀ ਕੇਸ ਦਰਜ ਹੋਏ ਹਨ, ਪਬਲਿਕ ਹੈਲਥ ਏਜੰਸੀ ਦੇ ਮੁਖੀ ਡਾਕਟਰ ਐਂਡਰਿਊ ਓਲਡ ਨੇ ਇੰਨ੍ਹਾਂ ਅੰਕੜਿਆਂ ਦੀ ਪੁਸ਼ਟੀ ਕੀਤੀ ਹੈ। ਇਹ ਕੇਸ ਪਿਛਲੇ 24 ਘੰਟਿਆਂ ਦੌਰਾਨ ਸਾਹਮਣੇ ਆਏ ਹਨ। ਹਸਪਤਾਲ ਵਿੱਚ ਵਾਇਰਸ ਕਾਰਨ 496 ਲੋਕ ਹਨ, ਜੋ ਕਿ ਮੰਗਲਵਾਰ ਨਾਲੋਂ 37 ਘੱਟ ਹਨ। ਉੱਥੇ ਹੀ 13 ਲੋਕ ਇੰਟੈਂਸਿਵ ਕੇਅਰ ਜਾਂ ਉੱਚ ਨਿਰਭਰਤਾ ਯੂਨਿਟ ਅਧੀਨ ਹਨ। ਹਸਪਤਾਲ ਵਿੱਚ ਦਾਖਲ ਲੋਕਾਂ ਦੀ ਔਸਤ ਉਮਰ 65 ਸਾਲ ਹੈ। ਇਸ ਦੌਰਾਨ ਵਾਇਰਸ ਕਾਰਨ 16 ਹੋਰ ਲੋਕਾਂ ਦੀ ਮੌਤ ਦੀ ਵੀ ਪੁਸ਼ਟੀ ਕੀਤੀ ਗਈ ਹੈ। ਸਰਗਰਮ ਕਮਿਊਨਿਟੀ ਕੇਸਾਂ ਦੀ ਗਿਣਤੀ 27,816 ਹੈ।
