ਸਿਹਤ ਮੰਤਰਾਲੇ ਨੇ ਐਤਵਾਰ ਨੂੰ ਨਿਊਜ਼ੀਲੈਂਡ ਵਿੱਚ 4841 ਨਵੇਂ ਕੋਵਿਡ -19 ਕਮਿਊਨਿਟੀ ਕੇਸਾਂ ਦੀ ਪੁਸ਼ਟੀ ਕੀਤੀ ਹੈ। ਇਹ ਅੰਕੜੇ ਪਿਛਲੇ 24 ਘੰਟਿਆਂ ਦੌਰਾਨ ਦਰਜ ਕੀਤੇ ਗਏ ਹਨ। ਉੱਥੇ ਹੀ ਵਾਇਰਸ ਕਾਰਨ 383 ਲੋਕ ਹਸਪਤਾਲ ਵਿੱਚ ਹਨ। ਨੌਂ ਲੋਕ ਇੰਟੈਂਸਿਵ ਕੇਅਰ ਜਾਂ ਉੱਚ ਨਿਰਭਰਤਾ ਯੂਨਿਟ ਅਧੀਨ ਹਨ। ਮੰਤਰਾਲੇ ਨੇ ਪਿਛਲੇ ਦੋ ਦਿਨਾਂ ਵਿੱਚ ਕੋਵਿਡ -19 ਕਾਰਨ ਨੌਂ ਮੌਤਾਂ ਦਾ ਵੀ ਐਲਾਨ ਕੀਤਾ ਹੈ। ਜਿਨ੍ਹਾਂ ਨੌਂ ਲੋਕਾਂ ਦੀ ਮੌਤ ਹੋਈ ਹੈ, ਉਨ੍ਹਾਂ ਵਿੱਚੋਂ ਦੋ ਦੀ ਉਮਰ 60 ਦੇ ਦਹਾਕੇ ਵਿੱਚ ਸੀ, ਚਾਰ 70 ਦੇ ਦਹਾਕੇ ਵਿੱਚ ਸਨ ਅਤੇ ਤਿੰਨ 80 ਦੇ ਦਹਾਕੇ ਵਿੱਚ ਸਨ। ਜਾਨ ਗਵਾਉਣ ਵਾਲਿਆਂ ‘ਚ ਪੰਜ ਮਰਦ ਅਤੇ ਚਾਰ ਔਰਤਾਂ ਸਨ।
