ਮੰਗਲਵਾਰ ਨੂੰ ਨਿਊਜ਼ੀਲੈਂਡ ਵਿੱਚ 744 ਨਵੇਂ ਕੋਵਿਡ -19 ਕਮਿਊਨਿਟੀ ਮਾਮਲੇ ਸਾਹਮਣੇ ਆਏ ਹਨ, ਸਿਹਤ ਮੰਤਰਾਲੇ ਨੇ ਇੰਨ੍ਹਾਂ ਮਾਮਲਿਆਂ ਦੀ ਪੁਸ਼ਟੀ ਕੀਤੀ ਹੈ। ਇਹ ਕੇਸ ਨੌਰਥਲੈਂਡ (43), ਆਕਲੈਂਡ (535), ਵਾਈਕਾਟੋ (69), ਬੇ ਆਫ ਪਲੇਨਟੀ (8), ਲੇਕਸ (10), ਹਾਕਸ ਬੇ (1), ਮਿਡ ਸੈਂਟਰਲ (6), ਤਰਨਾਕੀ (2), ਤਾਇਰਾਵਿਟੀ (7), ਵੈਰਾਰਾਪਾ (1), ਕੈਪੀਟਲ ਐਂਡ ਕੋਸਟ (5), ਹੱਟ ਵੈਲੀ (1), ਨੈਲਸਨ ਮਾਰਲਬਰੋ (9), ਕੈਂਟਰਬਰੀ (9) ਅਤੇ ਦੱਖਣੀ (30) ਵਿੱਚ ਦਰਜ ਕੀਤੇ ਗਏ ਹਨ। ਇਸ ਦੇ ਨਾਲ ਹੀ 40 ਲੋਕ ਵਾਇਰਸ ਕਾਰਨ ਹਸਪਤਾਲ ਵਿੱਚ ਹਨ। ਹਾਲਾਂਕਿ ਕੋਈ ਵੀ ਇੰਟੈਂਸਿਵ ਕੇਅਰ ਜਾਂ ਉੱਚ ਨਿਰਭਰਤਾ ਯੂਨਿਟ ਅਧੀਨ ਨਹੀਂ ਹੈ।
ਮੰਗਲਵਾਰ ਨੂੰ ਮੰਤਰਾਲੇ ਦੁਆਰਾ MIQ ਵਿੱਚ 19 ਮਾਮਲਿਆਂ ਦੀ ਘੋਸ਼ਣਾ ਕੀਤੀ ਹੈ, ਜਿਨ੍ਹਾਂ ਵਿੱਚੋਂ ਤਿੰਨ ਇਤਿਹਾਸਕ ਹਨ। ਮੰਤਰਾਲੇ ਨੇ ਕਿਹਾ ਕਿ ਕੇਸ ਆਸਟ੍ਰੇਲੀਆ (1), ਬੈਲਜੀਅਮ (1), ਸਿੰਗਾਪੁਰ (1), ਸੰਯੁਕਤ ਅਰਬ ਅਮੀਰਾਤ (1) ਅਤੇ ਅਮਰੀਕਾ (1) ਤੋਂ ਆਏ ਸਨ। ਉੱਥੇ ਹੀ ਸੋਮਵਾਰ ਨੂੰ, 981 ਕਮਿਊਨਿਟੀ ਮਾਮਲਿਆਂ ਦੀ ਘੋਸ਼ਣਾ ਕੀਤੀ ਗਈ ਸੀ।