ਪੂਰੀ ਦੁਨੀਆ ‘ਚ ਤਬਾਹੀ ਮਚਾਉਣ ਵਾਲਾ ਕੋਰੋਨਾ ਵਾਇਰਸ ਹੁਣ ਨਿਊਜ਼ੀਲੈਂਡ ‘ਚ ਵੀ ਨਿੱਤ ਨਵੇਂ ਰਿਕਾਰਡ ਬਣਾ ਰਿਹਾ ਹੈ, ਸਿਹਤ ਮੰਤਰਾਲੇ ਨੇ ਐਲਾਨ ਕੀਤਾ ਹੈ ਕਿ ਨਿਊਜ਼ੀਲੈਂਡ ਵਿੱਚ ਐਤਵਾਰ ਨੂੰ ਰਿਕਾਰਡ 810 ਨਵੇਂ ਕੋਵਿਡ -19 ਕਮਿਊਨਿਟੀ ਕੇਸ ਸਾਹਮਣੇ ਆਏ ਹਨ। ਇਹ ਵਾਧਾ ਸ਼ਨੀਵਾਰ ਨੂੰ 454 ਨਵੇਂ ਕਮਿਊਨਿਟੀ ਕੇਸਾਂ ਦੇ ਅਗਲੇ ਦਿਨ ਹੀ ਦਰਜ ਕੀਤਾ ਗਿਆ ਹੈ।
ਇਹ ਕੇਸ ਨੌਰਥਲੈਂਡ (13), ਆਕਲੈਂਡ (623), ਵਾਈਕਾਟੋ (81), ਬੇ ਆਫ ਪਲੇਨਟੀ (11), ਲੇਕਸ (11), ਹਾਕਸ ਬੇ (8), ਮਿਡ ਸੈਂਟਰਲ (3), ਵੰਗਾਨੁਈ (6), ਤਰਨਾਕੀ (5), ਟੈਰਾਵਿਟੀ (3), ਵੈਲਿੰਗਟਨ (15), ਹੱਟ ਵੈਲੀ (10), ਨੈਲਸਨ ਮਾਰਲਬਰੋ (2), ਕੈਂਟਰਬਰੀ (3), ਦੱਖਣੀ ਕੈਂਟਰਬਰੀ (2) ਅਤੇ ਦੱਖਣੀ (14) ਵਿੱਚ ਦਰਜ ਕੀਤੇ ਗਏ ਹਨ। ਇਸ ਦੇ ਨਾਲ ਹੀ 32 ਮਰੀਜ਼ ਵਾਇਰਸ ਕਾਰਨ ਹਸਪਤਾਲ ਵਿੱਚ ਦਾਖਲ ਹਨ। ਹਾਲਾਂਕਿ ਕਿ ਕੋਈ ਵੀ ਕੇਸ ਉੱਚ ਨਿਰਭਰਤਾ ਜਾਂ ਇੰਟੈਂਸਿਵ ਕੇਅਰ ਯੂਨਿਟ ਅਧੀਨ ਨਹੀਂ ਹੈ।
ਇਸ ਤੋਂ ਇਲਾਵਾ, ਸਰਹੱਦ ‘ਤੇ 18 ਕੇਸ ਸਾਹਮਣੇ ਆਏ ਹਨ। ਪਿਛਲੇ 24 ਘੰਟਿਆਂ ਵਿੱਚ 22,196 ਟੈਸਟ ਕੀਤੇ ਗਏ ਸਨ, ਪਿਛਲੇ ਸੱਤ ਦਿਨਾਂ ਵਿੱਚ ਟੈਸਟਾਂ ਦੀ ਰੋਲਿੰਗ ਔਸਤ 20,056 ਹੈ।