ਨਿਊਜ਼ੀਲੈਂਡ ਸਿਹਤ ਮੰਤਰਾਲੇ ਨੇ ਮੰਗਲਵਾਰ ਨੂੰ ਪੁਸ਼ਟੀ ਕੀਤੀ ਹੈ ਕਿ ਕਮਿਊਨਿਟੀ ਵਿੱਚ 8270 ਨਵੇਂ ਕੋਵਿਡ -19 ਕੇਸ ਦਰਜ ਕੀਤੇ ਗਏ ਹਨ। ਮੰਤਰਾਲੇ ਨੇ ਕੋਵਿਡ -19 ਕਾਰਨ ਪੰਜ ਲੋਕਾਂ ਦੀ ਮੌਤ ਦਾ ਵੀ ਐਲਾਨ ਕੀਤਾ ਹੈ। ਜਿਸ ਮਗਰੋਂ ਵਾਇਰਸ ਕਾਰਨ ਹੋਈਆਂ ਮੌਤਾਂ ਦੀ ਕੁੱਲ ਸੰਖਿਆ 602 ਹੋ ਗਈ ਹੈ। ਰੈਪਿਡ ਐਂਟੀਜੇਨ ਟੈਸਟਾਂ (RATs) ਅਤੇ PCR ਟੈਸਟਾਂ ਦੁਆਰਾ ਮੰਗਲਵਾਰ ਦੇ ਸਕਾਰਾਤਮਕ ਕੇਸ, ਨੌਰਥਲੈਂਡ (364), ਵਾਈਟੇਮਾਟਾ (708), ਆਕਲੈਂਡ (597), ਕਾਉਂਟੀਜ਼ ਮੈਨੂਕਾਉ (537), ਵਾਈਕਾਟੋ (641), ਬੇ ਆਫ ਪਲੈਂਟੀ (360), ਲੇਕਸ(149), ਹਾਕਸ ਬੇਅ (282), ਮਿਡਸੈਂਟਰਲ (317), ਵਾਂਗਾਨੁਈ (118), ਤਾਰਾਨਾਕੀ (277), ਤੈਰਾਵਿਟੀ (61), ਵੈਰਾਰਾਪਾ (85), ਕੈਪੀਟਲ ਐਂਡ ਕੋਸਟ (524), ਹੱਟ ਵੈਲੀ (265) , ਨੈਲਸਨ ਮਾਰਲਬਰੋ (265), ਕੈਂਟਰਬਰੀ (1,445), ਦੱਖਣੀ ਕੈਂਟਰਬਰੀ (190), ਦੱਖਣੀ (989), ਵੈਸਟ ਕੋਸਟ (87) ਵਿੱਚ ਦਰਜ ਕੀਤੇ ਗਏ ਹਨ।
ਜਦਕਿ ਨੌਂ ਕੇਸਾਂ ਦੀ ਸਥਿੱਤੀ ਸਪਸ਼ਟ ਨਹੀਂ ਹੈ। ਇਹ ਅੰਕੜੇ ਪਿਛਲੇ 24 ਘੰਟਿਆਂ ਦੌਰਾਨ ਸਾਹਮਣੇ ਆਏ ਹਨ। ਸਰਹੱਦ ‘ਤੇ ਕੋਵਿਡ -19 ਦੇ 38 ਕੇਸਾਂ ਦਾ ਪਤਾ ਲਗਾਇਆ ਗਿਆ ਸੀ।