ਪਿਛਲੇ ਹਫ਼ਤੇ ਨਿਊਜ਼ੀਲੈਂਡ ਵਿੱਚ ਕੋਵਿਡ-19 ਦੇ 8544 ਮਾਮਲੇ ਸਾਹਮਣੇ ਆਏ ਹਨ। ਇਹ ਸੰਖਿਆ ਸੋਮਵਾਰ, 12 ਜੂਨ ਤੋਂ ਐਤਵਾਰ, 18 ਜੂਨ ਤੱਕ ਦੇ ਹਫ਼ਤੇ ਨੂੰ ਕਵਰ ਕਰਦੀ ਹੈ। ਦੱਸ ਦੇਈਏ ਕਿ ਕੇਸਾਂ ਦੀ ਗਿਣਤੀ ਵਿੱਚ ਗਿਰਾਵਟ ਜਾਰੀ ਹੈ, ਇੱਕ ਹਫ਼ਤੇ ਪਹਿਲਾਂ 9883 ਨਵੇਂ ਕੇਸ ਸਾਹਮਣੇ ਆਉਣ ਤੋਂ ਬਾਅਦ ਤਾਜ਼ਾ ਅੰਕੜਾ 8544 ਹੈ। ਐਤਵਾਰ ਅੱਧੀ ਰਾਤ ਤੱਕ ਵਾਇਰਸ ਕਾਰਨ ਹਸਪਤਾਲ ਵਿੱਚ 246 ਲੋਕ ਸਨ। ਐਤਵਾਰ ਅੱਧੀ ਰਾਤ ਨੂੰ ਛੇ ਲੋਕ ਇੰਟੈਂਸਿਵ ਕੇਅਰ ਯੂਨਿਟ ਅਧੀਨ ਸਨ। ਉੱਥੇ ਹੀ ਇਸ ਦੌਰਾਨ ਵਾਇਰਸ ਨਾਲ ਤੀਹ ਹੋਰ ਲੋਕਾਂ ਦੀ ਮੌਤ ਹੋ ਗਈ ਹੈ।
