ਗ੍ਰੀਨ ਪਾਰਟੀ ਦੀ ਸਾਬਕਾ ਸੰਸਦ ਡਾਰਲੀਨ ਤਾਨਾ ਨੂੰ ਸੰਸਦ ਤੋਂ ਪੱਕੇ ਤੌਰ ‘ਤੇ ਬਰਖ਼ਾਸਤ ਕਰ ਦਿੱਤਾ ਗਿਆ ਹੈ। ਦਰਅਸਲ ਤਾਨਾ ਦੇ ਪਤੀ ‘ਤੇ ਦੋਸ਼ ਸਨ ਕਿ ਉਸ ਵੱਲੋਂ ਆਪਣੇ ਪ੍ਰਵਾਸੀ ਕਰਮਚਾਰੀਆਂ ਦਾ ਸੋਸ਼ਣ ਕੀਤਾ ਗਿਆ ਤੇ ਇਸ ਸਭ ਬਾਰੇ ਡਾਰਲਿਨ ਤਾਨਾ ਨੂੰ ਵੀ ਪਤਾ ਸੀ, ਪਰ ਉਸਨੇ ਕਰਮਚਾਰੀਆਂ ਦੇ ਹੱਕ ਵਿੱਚ ਕੋਈ ਆਵਾਜ ਨਹੀਂ ਚੁੱਕੀ। ਇਸੇ ਕਾਰਨ ਤਾਨਾ ਨੇ ਪਹਿਲਾਂ ਗਰੀਨ ਪਾਰਟੀ ਤੋਂ ਅਸਤੀਫਾ ਦਿੱਤਾ ਸੀ ਪਰ ਹੁਣ ਉਸਨੂੰ ਸੰਸਦ ਤੋਂ ਹੀ ਪੱਕੇ ਤੌਰ ‘ਤੇ ਬਰਖ਼ਾਸਤ ਕਰ ਦਿੱਤਾ ਗਿਆ ਹੈ। ਪਾਰਟੀ ਛੱਡਣ ਮਗਰੋਂ ਤਾਨਾ ਇੱਕ ਆਜ਼ਾਦ ਉਮੀਦਵਾਰ ਦੇ ਤੌਰ ‘ਤੇ ਸੰਸਦ ‘ਚ ਪਹੁੰਚਦੇ ਸਨ। ਪਰ ਅੱਜ ਪਿਛਲੇ ਹਫ਼ਤੇ, ਗ੍ਰੀਨ ਪਾਰਟੀ ਦੇ ਡੈਲੀਗੇਟਾਂ ਵੱਲੋਂ ਮਿਲੀ ਸਹਿਮਤੀ ਮਗਰੋਂ ਸਪੀਕਰ ਗੈਰੀ ਬ੍ਰਾਊਨਲੀ ਨੇ ਘੋਸ਼ਣਾ ਕੀਤੀ ਕਿ ਉਨ੍ਹਾਂ ਦੀ ਸੀਟ ਖਾਲੀ ਕਰ ਦਿੱਤੀ ਗਈ ਹੈ। ਯਾਨੀ ਕਿ ਉਨ੍ਹਾਂ ਨੂੰ ਸੰਸਦ ‘ਚੋਂ ਬਰਖ਼ਾਸਤ ਕਰ ਦਿੱਤਾ ਗਿਆ ਹੈ।
