ਬੁੱਧਵਾਰ ਦੁਪਹਿਰ ਵੇਲੇ ਸਾਊਥਲੈਂਡ ‘ਚ 17 ਯਾਤਰੀਆਂ ਨੂੰ ਲੈ ਕੇ ਜਾ ਰਹੀ ਇੱਕ ਬੱਸ ਦੇ ਹਾਦਸਾਗ੍ਰਸਤ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਹਾਦਸੇ ‘ਚ ਤਿੰਨ ਲੋਕ ਜ਼ਖਮੀ ਹੋਏ ਹਨ -ਜਿਨ੍ਹਾਂ ‘ਚੋਂ ਇੱਕ ਦੀ ਹਾਲਤ ਗੰਭੀਰ ਹੈ। ਪੁਲਿਸ ਨੇ ਕਿਹਾ ਕਿ ਐਮਰਜੈਂਸੀ ਸੇਵਾਵਾਂ ਨੂੰ ਦੁਪਹਿਰ 3.45 ਵਜੇ ਡਾਇਕ ਰੋਡ ਨੇੜੇ ਮੌਸਬਰਨ ਫਾਈਵ ਰਿਵਰਸ ਰੋਡ ‘ਤੇ ਘਟਨਾ ਸਥਾਨ ‘ਤੇ ਬੁਲਾਇਆ ਗਿਆ ਸੀ। ਰਿਕਵਰੀ ਕਰੂ ਵੱਲੋਂ ਬੱਸ ਨੂੰ ਘਟਨਾ ਸਥਾਨ ਤੋਂ ਹਟਾ ਦਿੱਤਾ ਗਿਆ ਹੈ। ਇਸ ਦੌਰਾਨ ਸੜਕ ਨੂੰ ਬੰਦ ਕੀਤਾ ਗਿਆ ਸੀ।
ਇੱਕ ਬਿਆਨ ਵਿੱਚ, ਸੇਂਟ ਜੌਨ ਦੇ ਬੁਲਾਰੇ ਨੇ ਦੱਸਿਆ ਕਿ ਉਨ੍ਹਾਂ ਨੇ ਤਿੰਨ ਐਂਬੂਲੈਂਸਾਂ, ਇੱਕ ਰੈਪਿਡ ਰਿਸਪਾਂਸ ਵਾਹਨ, ਇੱਕ ਪ੍ਰਾਈਮ ਰਿਸਪਾਂਡਰ, ਅਤੇ ਇੱਕ ਹੈਲੀਕਾਪਟਰ ਨਾਲ ਹਾਦਸੇ ਦਾ ਜਵਾਬ ਦਿੱਤਾ ਸੀ। ਘਟਨਾ ਸਥਾਨ ‘ਤੇ ਸਤਾਰਾਂ ਲੋਕਾਂ ਦਾ ਮੁਲਾਂਕਣ ਕੀਤਾ ਗਿਆ ਸੀ। ਤਿੰਨ ਲੋਕਾਂ – ਇੱਕ ਗੰਭੀਰ ਹਾਲਤ ਵਿੱਚ ਅਤੇ ਦੋ ਹੋਰ ਦਰਮਿਆਨੀ ਸੱਟਾਂ ਵਾਲੇ ਜ਼ਖਮੀਆਂ ਨੂੰ ਕੇਵ ਹਸਪਤਾਲ ਲਿਜਾਇਆ ਗਿਆ ਸੀ। ਹਾਲਾਂਕਿ ਹਾਦਸਾ ਕਿਵੇਂ ਅਤੇ ਕਿਸ ਨਾਲ ਵਾਪਰਿਆ ਹੈ ਇਸ ਬਾਰੇ ਅਜੇ ਕੋਈ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ।