ਦੱਖਣੀ ਕੈਂਟਰਬਰੀ ਵਿੱਚ ਆਏ ਹੜ੍ਹ ਕਾਰਨ ਨਦੀ ਵਿੱਚ ਆਪਣੀ ਕਾਰ ‘ਚ ਫਸੇ ਦੋ ਆਦਮੀਆਂ ਨੂੰ ਹੈਲੀਕਾਪਟਰ ਰਾਹੀਂ ਬਚਾਇਆ ਗਿਆਹੈ। ਇੱਕ ਪੁਲਿਸ ਬੁਲਾਰੇ ਨੇ ਕਿਹਾ ਕਿ ਇਹ ਆਦਮੀ ਸ਼ਨੀਵਾਰ ਰਾਤ ਨੂੰ ਲਗਭਗ 9.30 ਵਜੇ ਓਪੀਹੀ ਅਤੇ ਤੇਮੁਕਾ ਨਦੀਆਂ ਦੇ ਕੰਢੇ ਨੇੜੇ ਤੇਜ਼ ਵਗਦੇ ਪਾਣੀ ਵਿੱਚ ਫਸ ਗਏ ਸਨ। ਪੁਲਿਸ ਨੇ ਬਿਆਨ ‘ਚ ਕਿਹਾ ਕਿ, “ਉਹ ਗੱਡੀ ਦੇ ਡੈੱਕ ‘ਤੇ ਚੜ੍ਹ ਗਏ [ਕਿਉਂਕਿ ਇਹ] ਹੌਲੀ-ਹੌਲੀ ਡੁੱਬ ਰਹੀ ਸੀ ਪਰ ਪਾਣੀ ਦੀ ਗਤੀ ਕਾਰਨ ਤੈਰ ਕੇ ਸੁਰੱਖਿਅਤ ਬਾਹਰ ਵੀ ਨਹੀਂ ਆ ਸਕੇ। ਜਿਵੇਂ ਹੀ ਗੱਡੀ ਬੋਨਟ ਤੱਕ ਡੁੱਬ ਗਈ ਇੱਕ ਖੋਜ ਅਤੇ ਬਚਾਅ ਟੀਮ ਨੂੰ ਮਦਦ ਲਈ ਹੈਲੀਕਾਪਟਰ ਦੇ ਨਾਲ ਲਿਆਂਦਾ ਗਿਆ।” ਇਹ ਆਦਮੀ ਲਗਭਗ ਦੋ ਘੰਟੇ ਪਾਣੀ ‘ਚ ਫਸੇ ਰਹੇ ਜਦੋਂ, ਰਾਤ 11.20 ਵਜੇ, ਉਨ੍ਹਾਂ ਨੂੰ ਅੰਤ ਵਿੱਚ ਸੁਰੱਖਿਅਤ ਥਾਂ ‘ਤੇ ਪਹੁੰਚਾਇਆ ਗਿਆ। ਇਸ ਮਗਰੋਂ “ਉਨ੍ਹਾਂ ਦਾ ਟਿਮਾਰੂ ਹਸਪਤਾਲ ਵਿੱਚ ਮੁਲਾਂਕਣ ਕੀਤਾ ਗਿਆ ਅਤੇ ਬਾਅਦ ਵਿੱਚ ਉਨ੍ਹਾਂ ਦੇ ਪਰਿਵਾਰ ਕੋਲ ਛੱਡ ਦਿੱਤਾ ਗਿਆ।”
