ਨਿਊਜ਼ੀਲੈਂਡ ਵੱਸਦੇ ਭਾਰਤੀਆਂ ਤੇ ਪੰਜਾਬੀਆਂ ਨੂੰ ਸਮੇਂ ਸਮੇਂ ਤੇ ਵਿਰਸੇ ਅਤੇ ਸੱਭਿਆਚਾਰ ਨਾਲ ਜੋੜਨ ਲਈ ਵੱਖੋ-ਵੱਖ ਉਪਰਾਲੇ ਕਰਨ ਵਾਲੀ Indian Cultural Society Waikato ਨਾਲ ਜੁੜੀ ਇੱਕ ਵੱਡੀ ਖ਼ਬਰ ਹੈ। ਦਰਅਸਲ ਸੋਸਾਇਟੀ ਵੱਲੋਂ 1 ਨਵੀਂ ਕਾਰਜਕਾਰੀ ਕਮੇਟੀ ਦੀ ਚੋਣ ਕੀਤੀ ਗਈ ਹੈ। ਇਸ ਦੌਰਾਨ ਹੈਮਿਲਟਨ ‘ਚ ਸਭ ਤੋਂ ਪਹਿਲਾਂ ਵਿਸਾਖੀ ਮੇਲਾ ਸ਼ੁਰੂ ਕਰਵਾਉਣ ਵਾਲੇ ਜੁਝਾਰ ਸਿੰਘ ਰੰਧਾਵਾ ਨੂੰ ਪ੍ਰਧਾਨ ਚੁਣਿਆ ਗਿਆ ਹੈ। ਦੱਸ ਦੇਈਏ ਹੈਮਿਲਟਨ ਵਿੱਚ ਹੋਈ AGM ਵਿੱਚ 2025-26 ਲਈ ਇੰਡੀਅਨ ਕਲਚਰਲ ਸੋਸਾਇਟੀ (ਵਾਈਕਾਟੋ) ਦੀ ਕਾਰਜਕਾਰੀ ਕਮੇਟੀ ਦੀ ਚੋਣ ਕੀਤੀ ਗਈ।
ਜੇਕਰ ਇੰਡੀਅਨ ਕਲਚਰਲ ਸੋਸਾਇਟੀ – ਵਾਈਕਾਟੋ ਦੀ ਗੱਲ ਕਰੀਏ ਤਾਂ ਇੰਨਾਂ ਵੱਲੋਂ ਵਿਸਾਖੀ ਤੇ ਦਿਵਾਲੀ ਸਣੇ ਕਈ ਤਿਉਹਾਰਾਂ ਮੌਕੇ ਮੇਲੇ ਦਾ ਆਯੋਜਨ ਕਰਵਾਇਆ ਜਾਂਦਾ ਹੈ ਤਾਕਿ ਵਿਦੇਸ਼ਾਂ ‘ਚ ਵੱਸਦੇ ਭਾਰਤੀ ਦੀ ਕੁਝ ਪਲ ਫੁਰਸਤ ਦੇ ਜੀਅ ਸਕਣ। ਜ਼ਿਕਰਯੋਗ ਹੈ ਕਿ ICSWI ਦੀ ਸਥਾਪਨਾ 1990 ਵਿੱਚ ਹੋਈ ਸੀ। ਇਸ ਸੁਸਾਇਟੀ ਦਾ ਉਦੇਸ਼ ਭਾਰਤੀ ਪਰੰਪਰਾ, ਭਾਸ਼ਾ ਅਤੇ ਸਾਹਿਤ ਦੀ ਉੱਨਤੀ ਨੂੰ ਉਤਸ਼ਾਹਿਤ ਕਰਨਾ ਹੈ ਅਤੇ ਨਾਲ ਹੀ ਨਿਊਜ਼ੀਲੈਂਡ ਸਮਾਜ ਦੇ ਅੰਦਰ ਗਤੀਵਿਧੀਆਂ ਅਤੇ ਢਾਂਚਿਆਂ ਨੂੰ ਪ੍ਰਭਾਵਿਤ ਕਰਨ ਵਾਲੇ ਬਹੁ-ਸੱਭਿਆਚਾਰਵਾਦ ਦੇ ਦਰਸ਼ਨ ਨੂੰ ਉਤਸ਼ਾਹਿਤ ਕਰਨਾ ਅਤੇ ਵਿਕਸਤ ਕਰਨਾ ਹੈ।