ਨੌਰਥਲੈਂਡ ਦੇ ਵਾਂਗਾਰੇਈ ਵਿੱਚ ਹੋਈ ਇੱਕ ਭਿਆਨਕ ਡਕੈਤੀ ਦੀ ਜਾਂਚ ਵਿੱਚ ਇੱਕ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ ਅਤੇ ਕਈ ਮੋਟਰਸਾਈਕਲ ਜ਼ਬਤ ਕੀਤੇ ਗਏ ਹਨ। 7 ਜੁਲਾਈ ਨੂੰ ਸ਼ਾਮ 5.50 ਵਜੇ ਕੇਨਸਿੰਗਟਨ ਐਵੇਨਿਊ ‘ਤੇ ਭਿਆਨਕ ਡਕੈਤੀ ਦੀ ਰਿਪੋਰਟ ਕੀਤੀ ਗਈ ਸੀ। ਕਥਿਤ ਡਕੈਤੀ ਦੇ ਮਗਰੋਂ ਇੱਕ ਪੀੜਤ ਨੂੰ ਹਸਪਤਾਲ ਲਿਜਾਇਆ ਗਿਆ ਸੀ। ਸਥਾਨਕ ਪੁਲਿਸ ਨੇ ਕਿਹਾ ਕਿ ਅਧਿਕਾਰੀ ਡਕੈਤੀ ਦੀ ਜਾਂਚ ਕਰ ਰਹੇ ਸਨ ਅਤੇ ਵੀਰਵਾਰ ਸਵੇਰੇ ਵਾਂਗਾਰੇਈ ਵਿੱਚ ਤਿੰਨ ਘਰਾਂ ਦੀ ਤਲਾਸ਼ੀ ਲਈ ਗਈ ਸੀ। ਕਾਰਜਕਾਰੀ ਡਿਟੈਕਟਿਵ ਸਾਰਜੈਂਟ ਵਹਾਨੂਈ ਰੀਹਾਨਾ ਨੇ ਕਿਹਾ ਕਿ, “ਪੁਲਿਸ ਨੇ ਇੱਕ 20 ਸਾਲਾ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਹੈ ਅਤੇ ਤਿੰਨ ਮੋਟਰਸਾਈਕਲ ਜ਼ਬਤ ਕੀਤੇ ਹਨ ਜਿਨ੍ਹਾਂ ਨੂੰ ਇਸ ਘਟਨਾ ਵਿੱਚ ਸ਼ਾਮਿਲ ਮੰਨਿਆ ਜਾਰਿਹਾ ਹੈ।” “ਇਹ ਵਿਅਕਤੀ ਕੱਲ੍ਹ ਵਾਂਗਾਰੇਈ ਜ਼ਿਲ੍ਹਾ ਅਦਾਲਤ ਵਿੱਚ ਪੇਸ਼ ਹੋਵੇਗਾ ਜਿਸ ‘ਤੇ ਭਿਆਨਕ ਡਕੈਤੀ ਅਤੇ ਜ਼ਖਮੀ ਕਰਨ ਦੇ ਇਲਜ਼ਾਮ ਹਨ।” ਰਹੀਹਾਨਾ ਨੇ ਕਿਹਾ ਕਿ ਪੁਲਿਸ ਜਾਂਚ ਜਾਰੀ ਹੈ ਅਤੇ ਟੀਮ ਪੰਜ ਹੋਰ ਲੋਕਾਂ ਨੂੰ ਲੱਭਣ ਲਈ ਕੰਮ ਕਰ ਰਹੀ ਹੈ ਜੋ ਇਸ ਵਿੱਚ ਸ਼ਾਮਿਲ ਮੰਨੇ ਜਾਂਦੇ ਹਨ।
