ਆਕਲੈਂਡ ਤੋਂ ਇੱਕ ਹੈਰਾਨੀਜਨਕ ਮਾਮਲਾ ਸਾਹਮਣੇ ਆਇਆ ਹੈ। ਦਰਅਸਲ ਇੱਥੇ 25 ਸਾਲਾਂ ਤੱਕ ਇੱਕ ਵਿਅਕਤੀ ਆਪਣੇ ਭਰਾ ਦੇ ਨਾਮ ‘ਤੇ ਰਿਹਾ ਹੈ ਜਿਸ ਦਾ ਹੁਣ ਖੁਲਾਸਾ ਹੋਇਆ ਹੈ। ਬੰਗਲਾਦੇਸ਼ ਵਿੱਚ ਜਨਮੇ ਜਹਾਂਗੀਰ ਆਲਮ – ਜਿਸਦਾ ਅਸਲੀ ਨਾਮ ਅਜੇ ਤੱਕ ਪਤਾ ਨਹੀਂ ਲੱਗਿਆ – ਨੂੰ ਇਸ ਸਾਲ ਦੇ ਸ਼ੁਰੂ ਵਿੱਚ 29 ਅਪਰਾਧਾਂ ਦਾ ਦੋਸ਼ੀ ਪਾਇਆ ਗਿਆ ਸੀ, ਜਿਸ ਵਿੱਚ ਉਸ ਵੱਲੋਂ ਆਪਣੀ ਪਤਨੀ ਅਤੇ ਮਾਂ ਲਈ ਆਪਣੀ ਝੂਠੀ ਪਛਾਣ ਨਾਲ ਵੀਜ਼ਾ ਲਈ ਅਰਜ਼ੀ ਦੇਣਾ ਵੀ ਸ਼ਾਮਿਲ ਸੀ। ਅਦਾਲਤ ਨੇ ਸੁਣਵਾਈ ਕਰਦਿਆਂ ਪਾਸਪੋਰਟ ਧੋਖਾਧੜੀ ਦੇ ਮਾਮਲੇ ਵਿੱਚ ਇਸ ਬੰਗਲਾਦੇਸ਼ੀ ਮੂਲ ਦੇ ਵਿਅਕਤੀ ਨੂੰ ਸਭ ਤੋਂ ਲੰਬੀ ਸਜ਼ਾ ਸੁਣਾਈ ਹੈ।
ਬੰਗਲਾਦੇਸ਼ੀ ਮੂਲ ਦੇ ਇਸ ਵਿਅਕਤੀ ਨੇ 25 ਸਾਲ ਤੱਕ ਆਪਣੇ ਭਰਾ ਦੀ ਪਛਾਣ ‘ਚ ਰਹਿ ਕੇ ਨਕਲੀ ਵਿਆਹ ਰਚਾਇਆ ਅਤੇ ਨਿਊਜ਼ੀਲੈਂਡ ਦੀ ਨਾਗਰਿਕਤਾ ਵੀ ਲੈ ਲਈ ਹੈ। ਉਸ ਨੂੰ 29 ਵੱਖ-ਵੱਖ ਮਾਮਲਿਆਂ ਵਿੱਚ ਦੋਸ਼ੀ ਪਾਇਆ ਗਿਆ, ਜਿਨ੍ਹਾਂ ਵਿੱਚ ਨਕਲੀ ਦਸਤਾਵੇਜ਼ ਤਿਆਰ ਕਰਨਾ, ਝੂਠੀ ਜਾਣਕਾਰੀ ਦੇਣਾ ਅਤੇ ਝੂਠਾ ਪਾਸਪੋਰਟ ਵਰਤਣਾ ਸ਼ਾਮਿਲ ਹੈ ,ਇੱਕ ਸਥਾਨਕ ਰਿਪੋਰਟ ਅਨੁਸਾਰ ਆਕਲੈਂਡ ਜਿਲ੍ਹਾ ਅਦਾਲਤ ਨੇ ਆਲਮ ਨੂੰ ਚਾਰ ਸਾਲ ਕੈਦ ਦੀ ਸਜ਼ਾ ਸੁਣਾਈ।
ਇੰਨਾਂ ਹੀ ਨਹੀਂ ਉਸਦੀ 45 ਸਾਲਾ ਪਤਨੀ, ਤਾਜ ਪਰਵੀਨ ਸ਼ਿਲਪੀ ਨੂੰ ਵੀ 12 ਮਹੀਨਿਆਂ ਦੀ ਘਰ ਨਜ਼ਰਬੰਦੀ ਦੀ ਸਜ਼ਾ ਸੁਣਾਈ ਗਈ ਹੈ ਉਸਨੂੰ ਨੂੰ ਧੋਖਾਧੜੀ ਬਾਰੇ “ਪੂਰੀ ਤਰ੍ਹਾਂ ਪਤਾ” ਸੀ। ਹਾਲਾਂਕਿ ਜੋੜੇ ਦਾ ਇੱਕ 21 ਸਾਲਾ ਪੁੱਤਰ ਹੈ, ਜੋ ਕਿ ਇੱਕ ਯੂਨੀਵਰਸਿਟੀ ਦਾ ਵਿਦਿਆਰਥੀ ਹੈ ਵਿੰਟਰ ਨੇ ਕਿਹਾ ਕਿ ਉਹ ‘ਪੂਰੀ ਤਰ੍ਹਾਂ ਨਿਰਦੋਸ਼’ ਹੈ, ਉਹ 2008 ਵਿੱਚ ਆਪਣੀ ਮਾਂ ਨਾਲ ਚਾਰ ਸਾਲ ਦੀ ਉਮਰ ਵਿੱਚ ਆਇਆ ਸੀ। ਉਹ ਇੱਕ ਨਿਊਜ਼ੀਲੈਂਡਰ ਦੇ ਬੱਚੇ ਵਜੋਂ ਨਾਗਰਿਕ ਬਣ ਗਿਆ ਸੀ। ਆਲਮ ਨੇ ਕਈ ਲੋਕ ਭਲਾਈ ਤੇ ਲੋਕ ਸੇਵਾ ਦੇ ਕੰਮ ਵੀ ਕੀਤੇ ਸਨ, ਪਰ ਕੋਰਟ ਨੇ ਉਸ ਦੀ ਭਲਾਈ ਜਾਂ ਭਾਈਚਾਰੇ ਲਈ ਕੀਤੀ ਸੇਵਾ ਨੂੰ ਸਜ਼ਾ ਘਟਾਉਣ ਮੱਦਦਗਾਰ ਨਹੀਂ ਹੋਣ ਦਿੱਤਾ ਤੇ ਉਸਦੀ ਸਜਾ ਨੂੰ ਬਰਕਰਾਰ ਰੱਖਿਆ।