ਸ਼ੁੱਕਰਵਾਰ ਸਵੇਰੇ ਓਪੋਟੀਕੀ ਦੇ ਪੂਰਬ ਵਿੱਚ ਇੱਕ ਬੀਚ ‘ਤੇ ਮਨੁੱਖੀ ਅਵਸ਼ੇਸ਼ਾਂ ਦੇ ਮਿਲਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਤੋਂ ਬਾਅਦ ਹੁਣ ਫਿਲਹਾਲ ਜਾਂਚ ਕੀਤੀ ਜਾ ਰਹੀ ਹੈ। ਪੁਲਿਸ ਨੇ ਕਿਹਾ ਕਿ ਉਨ੍ਹਾਂ ਨੂੰ ਸਵੇਰੇ 11.50 ਵਜੇ ਦੇ ਕਰੀਬ ਵਾਈਹਾਊ ਬੇਅ ਬੁਲਾਇਆ ਗਿਆ ਸੀ। ਇਹ ਖਾੜੀ ਓਪੋਟੀਕੀ ਤੋਂ ਲਗਭਗ 100 ਕਿਲੋਮੀਟਰ ਪੂਰਬ ਵਿੱਚ, ਕੇਪ ਰਨਵੇਅ ਦੇ ਨੇੜੇ ਹੈ। ਪੁਲਿਸ ਨੇ ਕਿਹਾ ਕਿ, “ਅਵਸ਼ੇਸ਼ਾਂ ਦੀ ਪਛਾਣ ਮਨੁੱਖ ਵੱਜੋਂ ਕੀਤੀ ਗਈ ਹੈ, ਅਤੇ ਪੁੱਛਗਿੱਛ ਇਹ ਨਿਰਧਾਰਤ ਕਰੇਗੀ ਕਿ ਇਹ ਅਵਸ਼ੇਸ਼ ਕਿੰਨੇ ਪੁਰਾਣੇ ਹਨ।” “ਇਸ ਤੋਂ ਬਾਅਦ ਇੱਕ ਰਸਮੀ ਪਛਾਣ ਪ੍ਰਕਿਰਿਆ ਕੀਤੀ ਜਾਵੇਗੀ, ਜਿਸ ਵਿੱਚ ਕੁਝ ਸਮਾਂ ਲੱਗ ਸਕਦਾ ਹੈ।” ਜਾਣਕਾਰੀ ਵਾਲੇ ਕਿਸੇ ਵੀ ਵਿਅਕਤੀ ਨੂੰ 105 ਰਾਹੀਂ ਪੁਲਿਸ ਨਾਲ ਸੰਪਰਕ ਕਰਨ ਲਈ ਕਿਹਾ ਗਿਆ ਸੀ।
