ਵੈਲਿੰਗਟਨ ਵਾਸੀਆਂ ਲਈ ਇੱਕ ਜ਼ਰੂਰੀ ਖ਼ਬਰ ਹੈ। ਜੇਕਰ ਤੁਸੀਂ ਰੇਲ ‘ਤੇ ਸਫ਼ਰ ਕਰਦੇ ਹੋ ਤਾਂ ਭਲਕੇ ਤੁਹਾਨੂੰ ਖੱਜਲ-ਖੁਆਰ ਹੋਣਾ ਪੈ ਸਕਦਾ ਹੈ। ਦਰਅਸਲ ਮੰਗਲਵਾਰ ਨੂੰ ਵੈਲਿੰਗਟਨ ਖੇਤਰ ਵਿੱਚ ਆਫ-ਪੀਕ ਰੇਲ ਸੇਵਾਵਾਂ ਬੱਸਾਂ ਦੁਆਰਾ ਬਦਲੀਆਂ ਜਾਣਗੀਆਂ ਕਿਉਂਕਿ ਡਰਾਈਵਰ ਅਤੇ ਸਟਾਫ ਰੇਲ ਅਤੇ ਮੈਰੀਟਾਈਮ ਟ੍ਰਾਂਸਪੋਰਟ ਯੂਨੀਅਨ ਦੀ ਸਾਲਾਨਾ ਆਮ ਮੀਟਿੰਗ ਹੋਣੀ ਹੈ ਇਸ ਕਾਰਨ ਰੇਲ ਸੇਵਾਵਾਂ ਬੰਦ ਰਹਿਣਗੀਆਂ। ਸਵੇਰੇ 9 ਵਜੇ ਤੋਂ ਦੁਪਹਿਰ 3 ਵਜੇ ਤੱਕ ਸਾਰੀਆਂ ਮੈਟਲਿੰਕ ਰੇਲ ਸੇਵਾਵਾਂ ਨੂੰ ਬੱਸ ਸੇਵਾਵਾਂ ਦੁਆਰਾ ਬਦਲਿਆ ਜਾਵੇਗਾ।
ਇੱਕ ਬੁਲਾਰੇ ਨੇ ਕਿਹਾ ਕਿ ਕੰਪਨੀ ਨੇ ਮੀਟਿੰਗ ਵਿੱਚ ਸ਼ਾਮਿਲ ਹੋਣ ਵਾਲੇ ਯੂਨੀਅਨ ਮੈਂਬਰਾਂ ਦਾ ਪੂਰਾ ਸਮਰਥਨ ਕੀਤਾ ਹੈ ਅਤੇ ਕਿਸੇ ਵੀ ਅਸੁਵਿਧਾ ਲਈ ਗਾਹਕਾਂ ਤੋਂ ਮੁਆਫੀ ਮੰਗੀ ਹੈ। ਯਾਤਰੀਆਂ ਨੂੰ ਪਹਿਲਾਂ ਤੋਂ ਯੋਜਨਾ ਬਣਾਉਣ ਅਤੇ ਯਾਤਰਾਵਾਂ ਲਈ ਵਾਧੂ ਸਮਾਂ ਕੱਢਣ ਦੀ ਸਲਾਹ ਦਿੱਤੀ ਗਈ ਹੈ। ਬੱਸ ਬਦਲਣ ਦਾ ਸਮਾਂ-ਸਾਰਣੀ ਅਤੇ ਸਟਾਪ ਸਥਾਨ ਮੈਟਲਿੰਕ ਵੈੱਬਸਾਈਟ ਅਤੇ ਐਪ ‘ਤੇ ਉਪਲਬਧ ਹਨ।