NZ ਸਰਕਾਰ ਨੇ ਬੀਤੇ ਦਿਨੀ Land Transport (Revenue) Amendment Bill ਸੰਸਦ ਵਿੱਚ ਪੇਸ਼ ਕੀਤਾ ਹੈ। ਜਿਸ ਦਾ ਮਤਲਬ ਹੈ ਕਿ ਆਉਣ ਵਾਲੇ ਕੁਝ ਸਾਲਾਂ ਵਿੱਚ ਪੈਟਰੋਲ ਟੈਕਸ ਨੂੰ ਖਤਮ ਕਰਕੇ ਸਾਰੇ ਹਲਕੇ ਵਾਹਨਾਂ ਲਈ ਰੋਡ ਯੂਜ਼ਰ ਚਾਰਜ (RUC) ਲਾਗੂ ਕਰਨ ਵੱਲ ਪਹਿਲਾ ਅਤੇ ਵੱਡਾ ਕਦਮ ਚੁੱਕਣਾ ਹੈ। ਇਹ ਬਦਲਾਅ ਲਾਈਟ ਪੈਟਰੋਲ ਵਾਹਨਾਂ ਨੂੰ ਵੀ RUC ਸਿਸਟਮ ਵਿੱਚ ਲਿਆਉਣ ਦੀ ਵੱਡੀ ਯੋਜਨਾ ਵਿੱਚੋਂ ਪਹਿਲਾ ਕਦਮ ਹੈ। ਹਾਲਾਂਕਿ 2027 ‘ਚ ਸਮੀਖਿਆ ਹੋਵੇਗੀ ਜਿਸ ਤੋਂ ਬਾਅਦ ਇਹ ਫ਼ੈਸਲਾ ਕੀਤਾ ਜਾਵੇਗਾ ਕਿ 3.5 ਮਿਲੀਅਨ ਪੈਟਰੋਲ ਕਾਰਾਂ ਨੂੰ ਕਿਵੇਂ ਅਤੇ ਕਦੋਂ RUC ‘ਤੇ ਲਿਆਂਦਾ ਜਾਵੇ।
ਟ੍ਰਾਂਸਪੋਰਟ ਮੰਤਰੀ ਕ੍ਰਿਸ ਬਿਸ਼ਪ ਨੇ ਕਿਹਾ ਕਿ ਇਹ ਬਿੱਲ “ਫੇਅਰ, ਸਿੰਪਲ ਅਤੇ ਮਾਡਰਨ ਟਰਾਂਸਪੋਰਟ ਫੰਡਿੰਗ ਸਿਸਟਮ” ਬਣਾਉਣ ਲਈ ਜਰੂਰੀ ਸੀ। ਇਸ ਵੇਲੇ ਰੋਡ ਯੂਜ਼ਰ ਚਾਰਜ ਭਰਨ ਵਾਲੇ ਲੋਕਾਂ ਨੂੰ ਓਡੋਮੀਟਰ ਰੀਡਿੰਗਾਂ ਨੋਟ ਕਰਨੀ ਪੈਂਦੀ ਹੈ ਅਤੇ ਕਾਗਜ਼ੀ ਲੇਬਲ ਸ਼ੀਸ਼ੇ ਤੇ ਚਿਪਕਾਉਣੇ ਪੈਂਦੇ ਹਨ, ਜੋ ਕਿ ਸਮੇਂ ਤੋਂ ਪਿੱਛੇ ਹੈ। ਸਬਸਕ੍ਰਿਪਸ਼ਨ ਜਾਂ ਬਾਅਦ ਵਿੱਚ ਭੁਗਤਾਨ (post-payment) ਵਰਗੇ ਸਧਾਰਣ ਮਾਡਲ ਆਉਣਗੇ, ਪ੍ਰਾਈਵੇਟ ਕੰਪਨੀਆਂ ਵੀ ਬਿਲਿੰਗ ਸੇਵਾਵਾਂ ਦੇ ਸਕਣਗੀਆਂ, ਵਾਹਨ ਦੇ ਅੰਦਰ ਟੈਕਨੋਲੋਜੀ ਨਾਲ ਆਪੇ ਮੀਟਰਿੰਗ ਹੋ ਸਕੇਗੀ ਦੱਸ ਦੇਈਏ ਮੌਜੂਦਾ ਸਮੇਂ RUC ਸਾਰੇ ਡੀਜ਼ਲ ਵਾਹਨਾਂ, 3.5 ਟਨ ਤੋਂ ਵੱਧ ਭਾਰੀ ਵਾਹਨਾਂ ‘ਤੇ, EVs ਅਤੇ ਪਲੱਗ-ਇਨ ਹਾਈਬ੍ਰਿਡ ‘ਤੇ ਲੱਗਦਾ ਹੈ।