ਡੁਨੇਡਿਨ ਵਿੱਚ ਇੱਕ ਨਵ-ਵਿਆਹੇ ਪ੍ਰਵਾਸੀ ਪੰਜਾਬੀ ਦੇ ਕਤਲ ਦੇ ਦੋਸ਼ੀ ਵਿਅਕਤੀ ਦਾ ਮੁਕੱਦਮਾ ਸੋਮਵਾਰ ਤੋਂ ਸ਼ੁਰੂ ਹੋ ਰਿਹਾ ਹੈ। 27 ਸਾਲਾ ਗੁਰਜੀਤ ਸਿੰਘ ਦੀ ਲਾਸ਼ ਪਿਛਲੇ ਸਾਲ ਜਨਵਰੀ ਵਿੱਚ ਲਿਬਰਟਨ ਵਿੱਚ ਉਸ ਦੇ ਘਰ ਤੋਂ ਥੋੜੀ ਦੂਰ ਜ਼ਖਮਾਂ ਤੇ ਖੂਨ ਨਾਲ ਲੱਥਪੱਥ ਮਿਲੀ ਸੀ। ਗੁਰਜੀਤ ਦੇ ਕਤਲ ਦਾ ਦੋਸ਼ੀ ਟੈਕਨੀਸ਼ੀਅਨ, ਜਿਸਨੂੰ ਅਦਾਲਤੀ ਦਸਤਾਵੇਜ਼ਾਂ ਵਿੱਚ ਸਿਰਫ਼ ਰਾਜਿੰਦਰ ਵਜੋਂ ਸੂਚੀਬੱਧ ਕੀਤਾ ਗਿਆ ਹੈ, ਡੁਨੇਡਿਨ ਹਾਈ ਕੋਰਟ ਵਿੱਚ ਮੁਕੱਦਮੇ ਲਈ ਪੇਸ਼ ਹੋਵੇਗਾ। ਦੱਸ ਦੇਈਏ ਇਸ ਘਟਨਾ ਤੋਂ ਕੁਝ ਦਿਨ ਬਾਅਦ ਹੀ ਉਸ ਦੀ ਪਤਨੀ 2024 ਦੇ ਫਰਵਰੀ ਦੇ ਸ਼ੁਰੂ ਵਿੱਚ ਨਿਊਜ਼ੀਲੈਂਡ ਵਿੱਚ ਆਉਣ ਵਾਲੀ ਸੀ ਪਰ ਉਸ ਤੋਂ ਪਹਿਲਾਂ ਗੁਰਜੀਤ ਦਾ ਕਤਲ ਹੋ ਗਿਆ।
