ਚਿੰਤਾ ‘ਚ ਡੁੱਬੇ ਨਿਊਜ਼ੀਲੈਂਡ ਦੇ ਸੈਂਕੜੇ ਟਰੱਕ ਡਰਾਈਵਰਾਂ ਲਈ ਇੱਕ ਰਾਹਤ ਭਰੀ ਖ਼ਬਰ ਸਾਹਮਣੇ ਆਈ ਹੈ। ਦਰਅਸਲ ਦੁਬਈ ਲਾਇਸੈਂਸਾਂ ਵਾਲਾ ਮਸਲਾ ਜਲਦ ਹੱਲ ਹੋ ਸਕਦਾ ਹੈ। ਕੁਝ ਦਿਨ ਪਹਿਲਾ NZ ਸਰਕਾਰ ਨੇ ਦੁਬਈ ਤੋਂ ਕਨਵਰਟ ਹੋਇਆ ਲਾਇਸੈਂਸ ਰੱਦ ਕਰ ਦਿੱਤਾ ਗਿਆ ਸੀ, ਜਿਸ ਕਾਰਨ ਲੰਬੇ ਸਮੇਂ ਤੋਂ ਨਿਊਜੀਲੈਂਡ ਵਿੱਚ ਵਰਕ ਵੀਜਿਆਂ ‘ਤੇ ਕੰਮ ਕਰ ਰਹੇ ਟਰੱਕ ਡਰਾਈਵਰਾਂ ਲਈ ਨਵਾਂ ਮਸਲਾ ਬਣ ਗਿਆ ਸੀ। ਜ਼ਿਕਰਯੋਗ ਹੈ ਕਿ ਜਿਆਦਾਤਰ ਡਰਾਈਵਰ ਅਜਿਹੇ ਨਹ ਜਿਨ੍ਹਾਂ ਨੇ ਹਜ਼ਾਰਾਂ ਡਾਲਰਾਂ ਦਾ ਭੁਗਤਾਨ ਕੀਤਾ ਹੋਇਆ ਹੈ। ਪਰ ਹੁਣ ਨਿਊਜ਼ੀਲੈਂਡ ਦੇ ਡਿਪਟੀ ਪ੍ਰਧਾਨ ਮੰਤਰੀ ਅਤੇ MP ਪਰਮਾਰ ਨਾਲ ਸੁਪਰੀਮ ਸਿੱਖ ਸੁਸਾਇਟੀ ਦੇ ਵੱਲੋਂ ਭਾਈ ਦਲਜੀਤ ਸਿੰਘ ਨੇ ਜੋ ਮੀਟਿੰਗ ਕੀਤੀ ਸੀ ਉਸਦਾ ਚੰਗਾ ਨਤੀਜਾ ਨਿਕਲਿਆ ਹੈ।
ਦੱਸ ਦੇਈਏ ਦਲਜੀਤ ਸਿੰਘ ਨੇ ਪਿਛਲੇ ਦਿਨੀ ਡਿਪਟੀ ਪ੍ਰਧਾਨ ਮੰਤਰੀ ਅਤੇ MP ਪਰਮਾਰ ਡਿਨਰ ਨਾਲ ਟਰਾਂਸਪੋਰਟ ਮਨਿਸਟਰ ਸਮੇਤ ਬਾਕੀ ਸਭ ਨੂੰ ਵੀ ਮਿਲੇ ਸਨ ਤੁਰੰਤ ਮਸਲਾ ਹੱਲ ਕਰਨ ਲਈ ਜੋਰ ਪਾਇਆ ਸੀ । ਹਾਲਾਂਕਿ ਸੋਮਵਾਰ ਤੱਕ ਇਸ ਸਬੰਧੀ ਪੂਰੀ ਜਾਣਕਾਰੀ ਸਾਹਮਣੇ ਆ ਜਾਏਗੀ। ਐਕਟ ਪਾਰਟੀ ਮੈਂਬਰ ਪਾਰਲੀਮੈਂਟ ਪਰਮਜੀਤ ਪਰਮਾਰ ਨੇ ਵੀ ਇਸ ਸਬੰਧੀ ਆਪਣਾ ਪੂਰਾ ਸਹਿਯੋਗ ਦਿੱਤਾ ਤੇ ਉਨ੍ਹਾਂ ਇਸ ਲਈ ਮੰਤਰੀ ਕ੍ਰਿਸ਼ ਬਿਸ਼ਪ ਨੂੰ ਚਿੱਠੀ ਲਿਖਕੇ ਡਰਾਈਵਰਾਂ ਦੇ ਅਸਲ ਹਲਾਤਾਂ ਤੇ ਉਨ੍ਹਾਂ ਦੇ ਹੱਕ ਵਿੱਚ ਹੋਣ ਦੀ ਗੱਲ ਆਖੀ।