ਕਈ ਅੰਤਰਰਾਸ਼ਟਰੀ ਪੁਰਸਕਾਰ ਜਿੱਤਣ ਵਾਲੀ ਏਅਰ ਨਿਊਜ਼ੀਲੈਂਡ ਨੇ ਇੱਕ ਵਾਰ ਫਿਰ ਕੀਵੀਆਂ ਦਾ ਮਾਣ ਵਧਾਇਆ ਹੈ। ਏਅਰਲਾਈਨ ਨੂੰ AirlineRatings.com ਦੁਆਰਾ 2025 ਲਈ ਦੁਨੀਆ ਦੀ ਸਭ ਤੋਂ ਸੁਰੱਖਿਅਤ ਏਅਰਲਾਈਨ ਦਾ ਨਾਮ ਦਿੱਤਾ ਗਿਆ ਹੈ। ਏਅਰ ਨਿਊਜ਼ੀਲੈਂਡ ਨੇ ਆਪਣੀਆਂ ਸਕਾਈਕਾਉਚ ਸੀਟਾਂ ਲਈ ਫੋਰਬਸ ਟ੍ਰੈਵਲ ਗਾਈਡ ਦੀ ਇਨੋਵੇਸ਼ਨ ਆਫ਼ ਦ ਈਅਰ ਇਨਾਮ ਵੀ ਜਿੱਤਿਆ ਹੈ। ਏਅਰਲਾਈਨ ਦਾ ਸੁਰੱਖਿਆ ਰਿਕਾਰਡ ਅਤੇ ਸਖ਼ਤ ਨਿਯਮਾਂ ਦੀ ਪਾਲਣਾ ਇਸ ਰੇਟਿੰਗ ਦੇ ਮੁੱਖ ਕਾਰਕ ਸਨ। ਹੋਰ ਚੋਟੀ ਦੀਆਂ ਸੁਰੱਖਿਅਤ ਏਅਰਲਾਈਨਾਂ ਵਿੱਚ ਕਵਾਂਟਾਸ, ਕੈਥੇ ਪੈਸੀਫਿਕ, ਕਤਰ ਏਅਰਵੇਜ਼ ਅਤੇ ਅਮੀਰਾਤ ਸ਼ਾਮਿਲ ਹਨ। ਏਅਰਲਾਈਨ ਨੂੰ ਇਹ ਪੁਰਸਕਾਰ ਉਦੋਂ ਮਿਲਿਆ ਹੈ ਜਦੋਂ ਏਅਰ ਨਿਊਜ਼ੀਲੈਂਡ ਦੇ ਕੈਬਿਨ ਕਰੂ ਦਸੰਬਰ ਵਿੱਚ ਹੜਤਾਲ ਕਰਨ ਦੀ ਤਿਆਰੀ ਕਰ ਰਹੇ ਹਨ ਕਿਉਂਕ ਮਹੀਨਿਆਂ ਤੋਂ ਤਨਖਾਹ ਅਤੇ ਸ਼ਰਤਾਂ ‘ਤੇ ਚੱਲ ਰਹੀ ਗੱਲਬਾਤ ਅਜੇ ਕਿਸੇ ਸਿੱਟੇ ‘ਤੇ ਨਹੀਂ ਪਹੁੰਚੀ ਹੈ।
