ਐਓਟੇਰੋਆ ਦੀ ਪ੍ਰਵਾਸੀ ਵਰਕਰਜ਼ ਐਸੋਸੀਏਸ਼ਨ ਦੇ ਅਨੁਸਾਰ, ਸ਼ੋਸ਼ਣ ਹੋਣ ਕਾਰਨ ਤਿੰਨ ਕਾਮੇ ਸਥਾਈ ਤੌਰ ‘ਤੇ ਸਦਮੇ ਵਿੱਚ ਸਨ ਅਤੇ ਵਿੱਤੀ ਤੰਗੀ ਦਾ ਸਾਹਮਣਾ ਕਰ ਰਹੇ ਸਨ। ਨਿਊਜ਼ੀਲੈਂਡ ‘ਚ ਪ੍ਰਵਾਸੀ ਕਾਮਿਆਂ ਦੇ ਸ਼ੋਸ਼ਣ ਮਾਮਲੇ ‘ਚ ਘਿਰੀ ਸਾਬਕਾ ਕਾਰੋਬਾਰੀ ਸਨੇਹਾ ਪਟੇਲ ਖਿਲਾਫ ਅਦਾਲਤ ਨੇ ਵੱਡਾ ਫੈਸਲਾ ਸੁਣਾਇਆ ਹੈ। ਦਰਅਸਲ ਸਨੇਹਾ ਪਟੇਲ ਨੂੰ 11 ਮਹੀਨੇ ਦੀ ਹੋਮ ਡਿਟੈਨਸ਼ਨ ਅਤੇ ਲਗਭਗ $50,000 ਮੁਆਵਜ਼ਾ ਅਦਾ ਕਰਨ ਦਾ ਹੁਕਮ ਦਿੱਤਾ ਗਿਆ ਹੈ। ਅਦਾਲਤ ‘ਚ ਸਨੇਹਾ ਪਟੇਲ ‘ਤੇ ਇਲਜਾਮ ਲੱਗੇ ਸਨ ਕਿ
ਉਸ ਨੇ ਤਿੰਨ ਮਾਈਗ੍ਰੈਂਟ ਮਜ਼ਦੂਰਾਂ ਦਾ ਸ਼ੋਸ਼ਣ ਕੀਤਾ ਸੀ ਉਨ੍ਹਾਂ ਨੂੰ ਹਜ਼ਾਰਾਂ ਡਾਲਰ ਦੀ ਤਨਖ਼ਾਹ ਨਹੀਂ ਦਿੱਤੀ ਸੀ। ਇਸ ਮਾਮਲੇ ‘ਚ ਪੀੜਤਾਂ ਦੇ ਨਾਮ ਗੁਪਤ ਰੱਖੇ ਗਏ ਹਨ। ਰਿਪੋਰਟਾਂ ਮੁਤਾਬਿਕ ਪਟੇਲ ਹੈਮਿਲਟਨ ਅਤੇ ਆਕਲੈਂਡ ਵਿੱਚ ਕਈ ਕਾਰੋਬਾਰ ਚਲਾਉਂਦੀ ਸੀ, ਜਿਨ੍ਹਾਂ ਵਿੱਚ ਬਿਊਟੀ ਸੈਲੂਨ, ਡੈਅਰੀ, ਸੁਪਰੈੱਟ, ਫਲ-ਸਬਜ਼ੀ ਅਤੇ ਲਾਨ ਮੋਇੰਗ ਬਿਜ਼ਨਸ ਸ਼ਾਮਿਲ ਸਨ।