Employment Relations Authority (ERA) ਨੇ ਇੱਕ ਵੱਡਾ ਫੈਸਲਾ ਸੁਣਾਉਂਦਿਆਂ ਇੱਕ ਦਫ਼ਤਰ ਕਰਮਚਾਰੀ ਨੂੰ $30,000 ਤੋਂ ਵੱਧ ਦਾ ਮੁਆਵਜ਼ਾ ਦੇਣ ਦਾ ਹੁਕਮ ਦਿੱਤਾ ਹੈ। ਇੱਕ ਰਿਪੋਰਟ ਅਨੁਸਾਰ ਕਰਮਚਾਰੀ ਨੂੰ ਸਿਰਫ 15 ਦਿਨਾਂ ਬਾਅਦ ਨੌਕਰੀ ਤੋਂ ਕੱਢ ਦਿੱਤਾ ਗਿਆ ਸੀ। ERA ਦੇ ਫੈਸਲੇ ਅਨੁਸਾਰ, Steam ’N Dry ਨਾਮ ਦੀ ਸਟੀਮ ਕਲੀਨਿੰਗ ਕੰਪਨੀ ਨੇ ਕਰਮਚਾਰੀ ਨੂੰ ਨੌਕਰੀ ਤੋਂ ਕੱਢਣ ਤੋਂ ਪਹਿਲਾਂ ਉਸ ਨੂੰ ਲੋੜੀਂਦੀ ਟ੍ਰੇਨਿੰਗ ਵੀ ਨਹੀਂ ਦਿੱਤੀ ਸੀ।
ਦਫ਼ਤਰ ਪ੍ਰਬੰਧਕ ਦੇ ਤੌਰ ਤੇ 29 ਜੁਲਾਈ 2024 ਨੂੰ ਕੰਪਨੀ ‘ਚ ਕੰਮਕਾਰ ਸ਼ੁਰੂ ਕਰਨ ਵਾਲੇ ਸ਼ਾਨੀਆ ਮੋਰਟਿਮਰ ਨੇ ਪਹਿਲਾਂ ਕਦੇ ਦਫ਼ਤਰੀ ਤਜ਼ਰਬੇ ਬਾਰੇ ਨਹੀਂ ਦੱਸਿਆ ਸੀ, ਅਤੇ ERA ਨੇ ਕਿਹਾ ਕਿ ਉਸ ਨੂੰ induction ਜਾਂ structured training ਦੇਣ ਦੀ ਕੋਸ਼ਿਸ਼ ਵੀ ਨਹੀਂ ਕੀਤੀ ਗਈ। ਉਸ ਨੂੰ ਸਿਰਫ ਕੰਪਿਊਟਰ ਦਿਖਾਇਆ ਗਿਆ ਅਤੇ ਕੁਝ template ਦਸਤਾਵੇਜ਼ ਦਿੱਤੇ ਗਏ। ਰਿਪੋਰਟ ਮੁਤਾਬਿਕ 16 ਅਗਸਤ, 2024 ਨੂੰ, ਕੰਪਨੀ ਨੇ ਮੋਰਟਿਮਰ ਨੂੰ email ਕਰਕੇ ਕਿਹਾ ਕਿ “trial period ਬਾਕੀ ਰਹਿ ਜਾਣ ਦਾ ਕੋਈ ਮਤਲਬ ਨਹੀਂ” ਅਤੇ ਜੇ ਚਾਹੋ ਤਾਂ “ਤੁਹਾਨੂੰ ਦੋ ਹਫ਼ਤੇ ਦਾ notice ਦੇ ਸਕਦੇ ਹਾਂ।” ਪਰ ਜਦੋਂ ਮੋਰਟਿਮਰ ਨੇ ਯਾਦ ਦਿਵਾਇਆ ਕਿ ਉਸਦੇ ਕਾਂਟਰੇਕਟ ਅਨੁਸਾਰ 4 ਹਫਤੇ ਦਾ ਨੋਟਿਸ ਲੋੜੀਂਦਾ ਹੈ, ਪਰ ਉਲਟਾ ਡਾਇਰੈਕਟਰ ਨੇ offer ਘਟਾ ਕੇ 1 ਹਫ਼ਤਾ ਕਰ ਦਿੱਤਾ।