IKEA ਦੇ ਇੱਕ ਗਾਹਕ ਨੂੰ $1.25 ਦੀ ਚੀਜ਼ ਲਈ $69 ਭਰਨੇ ਪਏ ਹਨ ਜਿਸ ਨੇ ਸਭ ਨੂੰ ਹੈਰਾਨ ਕਰਕੇ ਰੱਖ ਦਿੱਤਾ ਹੈ। ਦਰਅਸਲ ਡਾਇਨਿੰਗ ਕੁਰਸੀਆਂ ਦਾ ਇੱਕ ਆਨਲਾਈਨ ਆਰਡਰ ਰੱਦ ਹੋ ਗਿਆ ਸੀ ਪਰ ਕੁਰਸੀਆਂ ਦੇ ਪੈਰਾਂ ਲਈ ਫਿਰ ਵੀ ਸਟਿਕਰ ਭੇਜੇ ਗਏ ਜਿਨ੍ਹਾਂ ‘ਤੇ $69 ਡਿਲਿਵਰੀ ਫੀਸ ਲੱਗੀ। RNZ ਚੈੱਨਲ ਨਾਲ ਗੱਲਬਾਤ ਕਰਦਿਆਂ ਰਾਣਾ ਘੋਸ਼ ਨੇ ਦੱਸਿਆ ਕਿ ਉਨ੍ਹਾਂ ਨੇ New Zealand ‘ਚ Ikea ਦੀ ਲਾਂਚ ਤੋਂ ਦੂਜੇ ਦਿਨ ਸਵੇਰੇ ਹੀ ਐਪ ਰਾਹੀਂ ਚਾਰ ਡਾਇਨਿੰਗ ਕੁਰਸੀਆਂ ਆਰਡਰ ਕੀਤੀਆਂ। ਉਨ੍ਹਾਂ ਨੇ ਸਟਾਕ ਵੀ ਚੈੱਕ ਕੀਤਾ ਸੀ। ਐਪ ਦੀ ਸਿਫ਼ਾਰਸ਼ ‘ਤੇ ਉਨ੍ਹਾਂ ਨੇ $1.25 ਦੇ ਸਟਿਕਰ ਵੀ ਜੋੜੇ, ਤਾਂ ਜੋ ਫਰਸ਼ ‘ਤੇ ਖਰੋਚਾਂ ਨਾ ਪੈਣ। ਕੁੱਲ ਡਿਲਿਵਰੀ $69 ਦਿਖਾਈ ਗਈ। ਪਰ ਕ੍ਰਿਸਮਸ ਈਵ ਨੂੰ ਜੋ ਆਇਆ, ਉਹ ਸਿਰਫ਼ ਸਟਿਕਰ ਸਨ। Ikea ਨੇ ਕੁਰਸੀਆਂ ਦੀ ਕੀਮਤ ਦਾ ਰਿਫੰਡ ਆਪਣੇ ਆਪ ਪ੍ਰੋਸੈਸ ਕਰ ਦਿੱਤਾ, ਪਰ ਡਿਲਿਵਰੀ ਚਾਰਜ ਕਾਇਮ ਰਿਹਾ। ਹੁਣ ਰਾਣਾ ਦੁਚਿੱਤੀ ਵਿੱਚ ਹੈ ਕਿ ਉਸਨੂੰ ਇਹ ਵਾਧੂ ਦੇ ਲੱਗੇ ਚਾਰਜ ਵਾਪਿਸ ਹੋਣਗੇ ਜਾਂ ਨਹੀਂ।
