ਨਿਊਜ਼ੀਲੈਂਡ ਵਿੱਚ ਟੈਲੀਕੌਮ ਕੰਪਨੀ 2degrees ਦੇ ਮੋਬਾਈਲ ਨੈੱਟਵਰਕ ਵਿੱਚ ਆਈ ਖਰਾਬੀ ਕਾਰਨ ਕਈ ਗਾਹਕਾਂ ਨੂੰ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ ਹੈ। ਇਸ ਤਕਨੀਕੀ ਸਮੱਸਿਆ ਦੇ ਚਲਦਿਆਂ ਯੂਜ਼ਰ ਨਾ ਤਾਂ ਕਾਲਾਂ ਕਰ ਸਕੇ ਅਤੇ ਨਾ ਹੀ ਕਾਲਾਂ ਰਿਸੀਵ ਕਰ ਪਾਏ। ਕੰਪਨੀ ਨੇ ਬੁੱਧਵਾਰ ਦੁਪਹਿਰ ਕਰੀਬ 3:12 ਵਜੇ ਜਾਰੀ ਕੀਤੇ ਨੈੱਟਵਰਕ ਅਪਡੇਟ ਵਿੱਚ ਇਸ ਖਰਾਬੀ ਦੀ ਪੁਸ਼ਟੀ ਕੀਤੀ ਅਤੇ ਇਸਨੂੰ “under repair” ਦੱਸਿਆ। ਬਿਆਨ ਵਿੱਚ ਕਿਹਾ ਗਿਆ ਕਿ ਟੀਮਾਂ ਇਸ ਮਸਲੇ ਨੂੰ ਜਲਦੀ ਤੋਂ ਜਲਦੀ ਹੱਲ ਕਰਨ ਲਈ ਲਗਾਤਾਰ ਕੰਮ ਕਰ ਰਹੀਆਂ ਹਨ। ਹਾਲਾਂਕਿ ਨਿਊਜ਼ੀਲੈਂਡ ‘ਚ ਟੈਲੀਕੌਮ ਕੰਪਨੀ 2degrees ਦੇ ਮੋਬਾਈਲ ਗਾਹਕਾਂ ਨੂੰ ਪ੍ਰਭਾਵਿਤ ਕਰਨ ਵਾਲੀ ਦੇਸ਼-ਪੱਧਰੀ ਆਉਟੇਜ ਹੁਣ ਠੀਕ ਕਰ ਲਈ ਗਈ ਹੈ। ਖ਼ਰਾਬੀ ਦੀ ਪੁਸ਼ਟੀ ਦੇ ਕੁਝ ਘੰਟਿਆਂ ਬਾਅਦ, ਕੰਪਨੀ ਨੇ ਦੱਸਿਆ ਕਿ ਮੋਬਾਈਲ ਕਾਲਿੰਗ, SMS ਅਤੇ ਡਾਟਾ ਸੇਵਾਵਾਂ ਮੁੜ ਸਧਾਰਣ ਤਰੀਕੇ ਨਾਲ ਚੱਲ ਰਹੀਆਂ ਹਨ।
ਕੰਪਨੀ ਵੱਲੋਂ ਜਾਰੀ ਬਿਆਨ ਵਿੱਚ ਕਿਹਾ ਗਿਆ ਕਿ ਕੁਝ ਗਾਹਕਾਂ ਨੂੰ ਹਾਲੇ ਵੀ ਡਾਟਾ ਕਲੌਕ ਜਾਂ 2degrees ਮੋਬਾਈਲ ਐਪ ਨਾਲ ਸੰਬੰਧਿਤ ਛੋਟੀਆਂ ਸਮੱਸਿਆਵਾਂ ਆ ਸਕਦੀਆਂ ਹਨ, ਜਿਨ੍ਹਾਂ ‘ਤੇ ਟੀਮਾਂ ਵੱਲੋਂ ਕੰਮ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਨੇ ਗਾਹਕਾਂ ਤੋਂ ਹੋਈ ਅਸੁਵਿਧਾ ਲਈ ਮਾਫ਼ੀ ਮੰਗਦੇ ਹੋਏ ਧੀਰਜ ਲਈ ਧੰਨਵਾਦ ਕੀਤਾ ਹੈ। ਹਾਲਾਂਕਿ, ਇਹ ਅਜੇ ਤੱਕ ਸਪਸ਼ਟ ਨਹੀਂ ਹੋ ਸਕਿਆ ਕਿ ਇਸ ਨੈੱਟਵਰਕ ਖਰਾਬੀ ਨਾਲ ਕੁੱਲ ਕਿੰਨੇ ਗਾਹਕ ਪ੍ਰਭਾਵਿਤ ਹੋਏ ਹਨ।