ਡੁਨੇਡਿਨ ਹਵਾਈ ਅੱਡੇ ਦੇ ਪਿੱਛੇ ਸਥਿਤ ਗੰਦਗੀ ਸਫਾਈ ਪਲਾਂਟ ਵਿੱਚ ਰਸਾਇਣਿਕ ਪ੍ਰਤੀਕ੍ਰਿਆ (Chemical Reaction) ਹੋਣ ਕਾਰਨ ਦੋ ਲੋਕਾਂ ਨੂੰ ਹਸਪਤਾਲ ਦਾਖਲ ਕਰਵਾਇਆ ਗਿਆ ਹੈ। ਫਾਇਰ ਐਂਡ ਐਮਰਜੈਂਸੀ ਨੂੰ ਸੋਮਵਾਰ ਸਵੇਰੇ ਲਗਭਗ 11:50 ਵਜੇ ਇਸ ਘਟਨਾ ਬਾਰੇ ਸੂਚਨਾ ਮਿਲੀ। ਦੁਪਹਿਰ 2:30 ਵਜੇ ਤੱਕ ਤਿੰਨ ਫਾਇਰ ਟਰੱਕ, ਤਿੰਨ ਵਿਸ਼ੇਸ਼ ਉਪਕਰਣ ਅਤੇ ਇੱਕ ਇਨਸਿਡੈਂਟ ਕਮਾਂਡਰ ਮੌਕੇ ‘ਤੇ ਮੌਜੂਦ ਸਨ। ਫਾਇਰ ਐਂਡ ਐਮਰਜੈਂਸੀ ਨਿਊਜ਼ੀਲੈਂਡ (FENZ) ਮੁਤਾਬਕ, ਸ਼ਾਮ 4 ਵਜੇ ਤੋਂ ਥੋੜ੍ਹੀ ਦੇਰ ਪਹਿਲਾਂ ਇਸ ਸਥਾਨ ਨੂੰ ਦੁਬਾਰਾ ਕੰਮ ਲਈ ਸੁਰੱਖਿਅਤ ਘੋਸ਼ਿਤ ਕਰ ਦਿੱਤਾ ਗਿਆ ਸੀ।
ਇੱਕ ਬੁਲਾਰੇ ਨੇ ਦੱਸਿਆ ਕਿ ਲਗਭਗ ਦੋ ਲੀਟਰ ਹਾਇਪਰਸਟੈਟ ਕਲੋਰਾਈਡ ਅਤੇ ਤਿੰਨ ਲੀਟਰ ਸਲਫਿਊਰਿਕ ਐਸਿਡ ਨੂੰ ਇਕੱਠੇ ਇੱਕ ਕੰਟੇਨਰ ਵਿੱਚ ਮਿਲਾਇਆ ਗਿਆ, ਜਿਸ ਨਾਲ ਇਹ ਪ੍ਰਤੀਕ੍ਰਿਆ ਹੋਈ ਅਤੇ ਕਰਮਚਾਰੀਆਂ ਨੂੰ ਸੱਟਾਂ ਲੱਗੀਆਂ। ਫਾਇਰ ਕਰਮਚਾਰੀਆਂ ਨੇ ਸੋਡਾ ਐਸ਼ ਦੀ ਵਰਤੋਂ ਕਰਕੇ ਰਸਾਇਣਾਂ ਨੂੰ ਨਿਊਟਰਲ ਕੀਤਾ ਅਤੇ ਬਾਅਦ ਵਿੱਚ ਸਥਾਨ ਦੀ ਡੀਕੰਟੈਮੀਨੇਸ਼ਨ ਕੀਤੀ। ਸੇਂਟ ਜੌਨ ਐਂਬੂਲੈਂਸ ਸੇਵਾ ਮੁਤਾਬਕ, ਦੋਨਾਂ ਜ਼ਖ਼ਮੀਆਂ ਨੂੰ ਮੱਧਮ ਹਾਲਤ ਵਿੱਚ ਡਿਊਨੇਡਿਨ ਹਸਪਤਾਲ ਪਹੁੰਚਾਇਆ ਗਿਆ ਹੈ।