ਨਿਊਜ਼ੀਲੈਂਡ ਦੇ ਵੈਸਟ ਕੋਸਟ ਖੇਤਰ ਵਿੱਚ ਸਥਿਤ Haast Pass ‘ਚ ਇੱਕ ਹੈਲੀਕਾਪਟਰ ਕਰੈਸ਼ ਹੋ ਗਿਆ ਹੈ, ਜਿਸ ਕਾਰਨ ਇੱਕ ਵਿਅਕਤੀ ਜ਼ਖ਼ਮੀ ਹੋਇਆ ਹੈ। ਅਧਿਕਾਰੀਆਂ ਮੁਤਾਬਿਕ ਜ਼ਖ਼ਮੀ ਦੀ ਹਾਲਤ ਦਰਮਿਆਨੀ ਦਰਜੇ ਦੀ ਦੱਸੀ ਜਾ ਰਹੀ ਹੈ। Fire and Emergency New Zealand ਨੂੰ ਦੁਪਹਿਰ ਕਰੀਬ 3:45 ਵਜੇ 111 ‘ਤੇ ਕਾਲ ਮਿਲੀ, ਜਿਸ ਵਿੱਚ ਹਾਸਟ ਇਲਾਕੇ ਵਿੱਚ ਹਾਦਸੇ ਦੀ ਜਾਣਕਾਰੀ ਦਿੱਤੀ ਗਈ। ਮੌਕੇ ‘ਤੇ ਪਹੁੰਚਣ ‘ਤੇ ਪਤਾ ਲੱਗਿਆ ਕਿ ਕੋਈ ਵੀ ਵਿਅਕਤੀ ਫਸਿਆ ਨਹੀਂ ਸੀ ਅਤੇ ਰੈਸਕਿਊ ਟੀਮਾਂ ਵੱਲੋਂ ਜ਼ਖ਼ਮੀ ਨੂੰ ਤੁਰੰਤ ਫਰਸਟ ਏਡ ਦਿੱਤੀ ਗਈ।
ਇਸ ਕਾਰਵਾਈ ਵਿੱਚ ਹਾਸਟ, ਫਾਕਸ ਗਲੇਸ਼ੀਅਰ ਅਤੇ ਫ੍ਰਾਂਜ਼ ਜੋਸਫ਼ ਤੋਂ ਕੁੱਲ ਚਾਰ ਫਾਇਰ ਯੂਨਿਟਾਂ ਨੂੰ ਤਾਇਨਾਤ ਕੀਤਾ ਗਿਆ ਸੀ। ਪੁਲਿਸ ਮੁਤਾਬਿਕ ਹਾਦਸੇ ਵਿੱਚ ਇੱਕ ਵਿਅਕਤੀ ਜ਼ਖ਼ਮੀ ਹੋਇਆ ਹੈ ਅਤੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ। ਇਹ ਮਾਮਲਾ ਹੁਣ Civil Aviation Authority ਨੂੰ ਭੇਜ ਦਿੱਤਾ ਗਿਆ ਹੈ, ਜੋ ਹਾਦਸੇ ਦੇ ਕਾਰਣਾਂ ਦੀ ਜਾਂਚ ਕਰੇਗੀ। ਅਧਿਕਾਰੀਆਂ ਨੇ ਕਿਹਾ ਕਿ ਸ਼ੁਰੂਆਤੀ ਜਾਂਚ ਰਾਹੀਂ ਇਹ ਪਤਾ ਲਗਾਇਆ ਜਾਵੇਗਾ ਕਿ ਹਾਦਸਾ ਕਿਵੇਂ ਵਾਪਰਿਆ ਅਤੇ ਕੀ ਅੱਗੇ ਹੋਰ ਕਾਰਵਾਈ ਦੀ ਲੋੜ ਹੈ।