ਟੌਰਾਂਗਾ ‘ਚ ਚੋਰੀ ਦੀ ਕਾਰ ਨਾਲ ਖ਼ਤਰਨਾਕ ਡਰਾਈਵਿੰਗ, ਦੋ ਕੁੜੀਆਂ ਆਈਆਂ ਪੁਲਿਸ ਅੜਿੱਕੇ !

ਨਿਊਜ਼ੀਲੈਂਡ ਦੇ Tauranga ਵਿੱਚ ਅੱਜ ਸਵੇਰੇ ਚੋਰੀ ਹੋਏ ਵਾਹਨ ਨਾਲ ਕੀਤੀ ਗਈ ਖਤਰਨਾਕ ਡਰਾਈਵਿੰਗ ਤੋਂ ਬਾਅਦ ਦੋ ਕੁੜੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਦੋਵੇਂ ਔਰਤਾਂ ‘ਤੇ ਡਰਾਈਵਿੰਗ ਅਤੇ ਜਾਇਦਾਦ ਨਾਲ ਜੁੜੇ ਕਈ ਦੋਸ਼ ਲਗਾਏ ਗਏ ਹਨ। ਪੁਲਿਸ ਮੁਤਾਬਿਕ 29 ਅਤੇ 25 ਸਾਲਾ ਦੋਵੇਂ ਕੁੜੀਆਂ ਹੁਣ Tauranga District Court ਵਿੱਚ ਪੇਸ਼ ਹੋਣਗੀਆਂ। ਕਾਰਵਾਈ ਬਾਰੇ ਜਾਣਕਾਰੀ ਦਿੰਦਿਆਂ Russell Owen ਨੇ ਦੱਸਿਆ ਕਿ ਪੁਲਿਸ ਨੇ ਸਵੇਰੇ ਕਰੀਬ 7 ਵਜੇ Bethlehem ਇਲਾਕੇ ਵਿੱਚ ਇੱਕ ਚੋਰੀ ਦੀ ਕਾਰ ਨੂੰ ਦੇਖਿਆ ਸੀ। ਜਦੋਂ ਪੁਲਿਸ ਨੇ ਵਾਹਨ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ ਤਾਂ ਡਰਾਈਵਰ ਤੇਜ਼ ਰਫ਼ਤਾਰ ਨਾਲ ਭੱਜ ਨਿਕਲਿਆ।

ਪੁਲਿਸ ਅਨੁਸਾਰ ਵਾਹਨ ਨੇ State Highway 2 ‘ਤੇ ਗਲਤ ਦਿਸ਼ਾ ਵਿੱਚ ਵੀ ਡਰਾਈਵ ਕੀਤਾ, ਜਿੱਥੇ blind corners ਅਤੇ ਤੰਗ ਪੁਲ ਸਨ, ਜਿਸ ਨਾਲ ਹੋਰ ਵਾਹਨ ਚਾਲਕਾਂ ਦੀ ਜਾਨ ਨੂੰ ਵੀ ਖ਼ਤਰਾ ਪੈਦਾ ਹੋਇਆ। ਪੁਲਿਸ ਨੇ ਵਾਹਨ ਨੂੰ ਰੋਕਣ ਲਈ ਰੋਡ ਸਪਾਈਕਸ ਲਗਾਏ, ਜਿਸ ਤੋਂ ਬਾਅਦ ਕਰੀਬ 7:50 ਵਜੇ Cameron Road ਅਤੇ 11th Avenue ਦੇ ਨੇੜੇ ਕਾਰ ਰੁਕ ਗਈ। ਦੋਵੇਂ ਕੁੜੀਆਂ ਵਾਹਨ ਛੱਡ ਕੇ ਪੈਦਲ ਭੱਜਣ ਲੱਗੀਆਂ, ਪਰ ਪੁਲਿਸ ਨੇ ਥੋੜ੍ਹੀ ਦੇਰ ਵਿੱਚ ਉਨ੍ਹਾਂ ਨੂੰ ਕਾਬੂ ਕਰ ਲਿਆ। ਘਟਨਾ ਦੌਰਾਨ ਕੋਈ ਜ਼ਖ਼ਮੀ ਨਹੀਂ ਹੋਇਆ। ਪੁਲਿਸ ਨੇ ਵਾਹਨ ਨੂੰ ਜਾਂਚ ਲਈ ਜ਼ਬਤ ਕਰ ਲਿਆ ਹੈ ਅਤੇ ਲੋਕਾਂ ਦਾ ਸਹਿਯੋਗ ਅਤੇ ਧੀਰਜ ਲਈ ਧੰਨਵਾਦ ਕੀਤਾ ਹੈ।