ਨਿਊਜ਼ੀਲੈਂਡ ਸਰਕਾਰ ਨੇ Budget 2026 ਦੌਰਾਨ ਬਜ਼ੁਰਗਾਂ ਲਈ ਇੱਕ ਅਹਿਮ ਫੈਸਲੇ ਦਾ ਐਲਾਨ ਕੀਤਾ ਹੈ। ਸਰਕਾਰ ਨੇ ਕਿਹਾ ਹੈ ਕਿ ਹੁਣ SuperGold Card ਨੂੰ ਕਾਨੂੰਨੀ ਪਛਾਣ ਪੱਤਰ (Legal ID) ਵਜੋਂ ਮਾਨਤਾ ਦਿੱਤੀ ਜਾਵੇਗੀ, ਜਿਸ ਨਾਲ 65 ਸਾਲ ਤੋਂ ਵੱਧ ਉਮਰ ਦੇ ਲੋਕਾਂ ਨੂੰ ਕਈ ਸਰਕਾਰੀ ਅਤੇ ਨਿੱਜੀ ਸੇਵਾਵਾਂ ਵਿੱਚ ਆਸਾਨੀ ਹੋਵੇਗੀ। ਸਰਕਾਰ ਵੱਲੋਂ ਦਿੱਤੀ ਜਾਣਕਾਰੀ ਅਨੁਸਾਰ ਨਵੀਂ ਅੱਪਗ੍ਰੇਡ ਕੀਤੀ SuperGold Card ਵਿੱਚ ਫੋਟੋ ਅਤੇ ਨਵੇਂ ਸੁਰੱਖਿਆ ਫੀਚਰ ਸ਼ਾਮਿਲ ਕੀਤੇ ਜਾਣਗੇ। ਇਸ ਕਾਰਡ ਨੂੰ ਬੈਂਕਾਂ, ਕਾਨੂੰਨੀ ਦਫ਼ਤਰਾਂ ਅਤੇ ਹੋਰ ਮਹੱਤਵਪੂਰਨ ਥਾਵਾਂ ‘ਤੇ ਸਰਕਾਰੀ ਪਛਾਣ ਵਜੋਂ ਵਰਤਿਆ ਜਾ ਸਕੇਗਾ। ਇਹ ਸਹੂਲਤ Physical ਅਤੇ Digital ਦੋਵੇਂ ਰੂਪਾਂ ਵਿੱਚ ਉਪਲਬਧ ਹੋਵੇਗੀ।
Seniors Minister ਕੇਸੀ ਕੋਸਟੈਲੋ ਨੇ ਕਿਹਾ ਕਿ ਨਿਊਜ਼ੀਲੈਂਡ ਵਿੱਚ 9 ਲੱਖ ਤੋਂ ਵੱਧ ਲੋਕ 65 ਸਾਲ ਤੋਂ ਉਪਰ ਹਨ ਅਤੇ ਕਈ ਲੋਕਾਂ ਕੋਲ Driver Licence ਜਾਂ Passport ਵਰਗੀ ਕੋਈ ਹੋਰ Legal ID ਨਹੀਂ ਹੈ। ਇਸ ਕਰਕੇ ਉਨ੍ਹਾਂ ਨੂੰ ਬੈਂਕਿੰਗ ਅਤੇ ਹੋਰ ਸਰਕਾਰੀ ਕੰਮਾਂ ਵਿੱਚ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।
ਉਨ੍ਹਾਂ ਕਿਹਾ ਕਿ ਨਵੀਂ ਫੋਟੋ ਵਾਲੀ SuperGold Card ਲੈਣਾ ਪੂਰੀ ਤਰ੍ਹਾਂ ਇੱਛਾ ਅਨੁਸਾਰ ਹੋਵੇਗਾ। ਜਿਹੜੇ ਲੋਕ ਚਾਹੁਣਗੇ ਉਹੀ ਇਸਨੂੰ ਅੱਪਗ੍ਰੇਡ ਕਰਵਾ ਸਕਣਗੇ, ਜਦਕਿ ਆਮ SuperGold Card ਪਹਿਲਾਂ ਵਾਂਗ ਮੁਫ਼ਤ ਜਾਰੀ ਰਹੇਗੀ।
ਸਰਕਾਰ ਇਸ ਯੋਜਨਾ ‘ਤੇ ਅਗਲੇ ਚਾਰ ਸਾਲਾਂ ਵਿੱਚ 36.4 ਮਿਲੀਅਨ ਡਾਲਰ Operating Funding ਅਤੇ 6.5 ਮਿਲੀਅਨ ਡਾਲਰ Capital Funding ਖਰਚੇਗੀ। ਨਵੀਂ ਅੱਪਗ੍ਰੇਡ ਕੀਤੀ SuperGold Card ਨੂੰ ਅਕਤੂਬਰ 2028 ਤੋਂ ਸ਼ੁਰੂ ਕਰਨ ਦੀ ਯੋਜਨਾ ਹੈ।