ਆਕਲੈਂਡ ਦੇ ਵਿਅਸਤ ਇਲਾਕਿਆਂ ਵਿੱਚ ਪੀਕ ਟਾਈਮ ਦੌਰਾਨ ਗੱਡੀ ਚਲਾਉਣ ਵਾਲਿਆਂ ਨੂੰ ਭਵਿੱਖ ਵਿੱਚ ਹਰ ਯਾਤਰਾ ਲਈ $2 ਤੋਂ $7 ਤੱਕ Congestion Charge ਦੇਣਾ ਪੈ ਸਕਦਾ ਹੈ।
ਟ੍ਰੈਫਿਕ ਜਾਮ ਘਟਾਉਣ ਅਤੇ ਪਬਲਿਕ ਟ੍ਰਾਂਸਪੋਰਟ ਲਈ ਨਵਾਂ ਫੰਡ ਇਕੱਠਾ ਕਰਨ ਵਾਸਤੇ ਆਕਲੈਂਡ ਕੌਂਸਲ ਵੱਲੋਂ ਤਿੰਨ Charging Zone ਮਾਡਲਾਂ ‘ਤੇ ਵਿਚਾਰ ਕੀਤਾ ਜਾ ਰਿਹਾ ਹੈ।
ਸਭ ਤੋਂ ਛੋਟਾ ਮਾਡਲ ਸਿਰਫ਼ CBD ਤੱਕ ਸੀਮਿਤ ਹੋਵੇਗਾ, ਜਦਕਿ ਵੱਡੇ ਮਾਡਲਾਂ ਵਿੱਚ Newmarket, Newton, Ponsonby, Parnell ਅਤੇ ਕੁਝ ਮੁੱਖ ਮੋਟਰਵੇਅ ਰੂਟ ਵੀ ਸ਼ਾਮਿਲ ਹੋ ਸਕਦੇ ਹਨ।
ਕੌਂਸਲ ਦੇ ਅੰਦਾਜ਼ੇ ਮੁਤਾਬਿਕ ਵੱਡੇ ਮਾਡਲ ਨਾਲ ਕੁਝ ਪੀਕ-ਟਾਈਮ ਯਾਤਰਾਵਾਂ 12 ਮਿੰਟ ਤੱਕ ਛੋਟੀਆਂ ਹੋ ਸਕਦੀਆਂ ਹਨ ਅਤੇ ਵਾਧੂ ਆਮਦਨ Rapid Bus ਤੇ ਹੋਰ ਪਬਲਿਕ ਟ੍ਰਾਂਸਪੋਰਟ ਸੁਧਾਰਾਂ ‘ਤੇ ਖਰਚੀ ਜਾ ਸਕਦੀ ਹੈ।
ਪਰ ਸਵਾਲ ਇਹ ਹੈ—ਆਕਲੈਂਡ ਵਾਸੀਆਂ ਨੂੰ ਟ੍ਰੈਫਿਕ ਤੋਂ ਰਾਹਤ ਮਿਲੇਗੀ ਜਾਂ ਕਾਰ ਚਲਾਉਣੀ ਹੋਰ ਮਹਿੰਗੀ ਹੋ ਜਾਵੇਗੀ?
ਨਵੰਬਰ ਵਿੱਚ ਜਨਤਕ ਸਲਾਹ-ਮਸ਼ਵਰਾ ਸ਼ੁਰੂ ਹੋਣ ਦੀ ਉਮੀਦ ਹੈ, ਜਦਕਿ ਅੰਤਿਮ ਫੈਸਲਾ 2027 ਤੱਕ ਆ ਸਕਦਾ ਹੈ।