ਆਕਲੈਂਡ: ਸੁਪਰੀਮ ਸਿੱਖ ਸੁਸਾਇਟੀ ਨਿਊਜ਼ੀਲੈਂਡ ਦੇ 49ਵੇਂ ਸਲਾਨਾ ਇਜਲਾਸ ਦੌਰਾਨ ਅੱਜ ਸੁਸਾਇਟੀ ਦੇ ਨਵੇਂ ਪ੍ਰਧਾਨ ਵਜੋਂ 80 ਸਾਲਾ ਸ. ਨਾਇਬ ਸਿੰਘ ਦੀ ਚੋਣ ਕੀਤੀ ਗਈ।
ਇਸੇ ਦੌਰਾਨ ਸੁਸਾਇਟੀ ਦੇ ਵੱਖ-ਵੱਖ ਵਿੰਗਾਂ ਲਈ ਵੀ ਨਵੇਂ ਅਹੁਦੇਦਾਰਾਂ ਦੀ ਚੋਣ ਕੀਤੀ ਗਈ। ਸਪੋਰਟਸ ਵਿੰਗ ਦੇ ਪ੍ਰਧਾਨ ਵਜੋਂ ਸ. ਮਲਕੀਤ ਸਿੰਘ ਮੰਗਾ ਭੰਡਾਲ ਨੂੰ ਚੁਣਿਆ ਗਿਆ।
ਇਸ ਤੋਂ ਇਲਾਵਾ ਸਿੱਖ ਹੈਰੀਟੇਜ ਸਕੂਲ ਦੀ ਜ਼ਿੰਮੇਵਾਰੀ ਸ. ਗੁਰਿੰਦਰਜੀਤ ਸਿੰਘ ਧਾਲੀਵਾਲ ਨੂੰ ਅਤੇ ਚਾਈਲਡ ਕੇਅਰ ਵਿੰਗ ਦੀ ਜ਼ਿੰਮੇਵਾਰੀ ਸ. ਗੁਰਬਾਜ ਸਿੰਘ ਨੂੰ ਸੌਂਪੀ ਗਈ।
ਸੁਪਰੀਮ ਸਿੱਖ ਸੁਸਾਇਟੀ ਦੇ ਇਸ ਸਲਾਨਾ ਇਜਲਾਸ ਵਿੱਚ ਸੰਗਤ ਅਤੇ ਭਾਈਚਾਰੇ ਨਾਲ ਜੁੜੇ ਵੱਖ-ਵੱਖ ਮਸਲਿਆਂ ’ਤੇ ਵਿਚਾਰ-ਵਟਾਂਦਰਾ ਵੀ ਕੀਤਾ ਗਿਆ। ਨਵੇਂ ਅਹੁਦੇਦਾਰਾਂ ਦੀ ਚੋਣ ਤੋਂ ਬਾਅਦ ਸਿੱਖ ਭਾਈਚਾਰੇ ਵੱਲੋਂ ਉਨ੍ਹਾਂ ਨੂੰ ਵਧਾਈਆਂ ਦਿੱਤੀਆਂ ਗਈਆਂ ਅਤੇ ਸੁਸਾਇਟੀ ਦੀਆਂ ਗਤੀਵਿਧੀਆਂ ਨੂੰ ਹੋਰ ਪ੍ਰਭਾਵਸ਼ਾਲੀ ਢੰਗ ਨਾਲ ਅੱਗੇ ਵਧਾਉਣ ਦੀ ਆਸ ਪ੍ਰਗਟਾਈ ਗਈ।