ਨਿਊਜ਼ੀਲੈਂਡ ਵਿੱਚ ਰਹਿ ਰਹੇ ਕੇਰਲ ਨਾਲ ਸਬੰਧਿਤ 45 ਸਾਲਾ ਭਾਰਤੀ ਵਿਅਕਤੀ ਨੂੰ ਵੱਡਾ ਝਟਕਾ ਲੱਗਾ ਹੈ। Immigration and Protection Tribunal ਨੇ ਉਸ ਦੀ ਡਿਪੋਰਟੇਸ਼ਨ ਰੋਕਣ ਲਈ ਕੀਤੀ humanitarian appeal ਖਾਰਜ ਕਰ ਦਿੱਤੀ ਹੈ। ਹਾਲਾਂਕਿ, ਉਸ ਨੂੰ ਪਰਿਵਾਰਕ ਮਾਮਲੇ ਨਿਪਟਾਉਣ ਲਈ ਪੰਜ ਮਹੀਨੇ ਦਾ work visa ਦੇਣ ਦੀ ਇਜਾਜ਼ਤ ਦਿੱਤੀ ਗਈ ਹੈ।
ਮਾਮਲਾ ਮਾਰਚ 2025 ਵਿੱਚ ਉਸ ਵੇਲੇ ਗੰਭੀਰ ਹੋਇਆ ਜਦੋਂ family harm ਦੀ ਸ਼ਿਕਾਇਤ ’ਤੇ ਪੁਲਿਸ ਉਸ ਦੇ ਘਰ ਪਹੁੰਚੀ। ਰਿਕਾਰਡ ਮੁਤਾਬਿਕ ਵਿਅਕਤੀ ਨੇ ਸ਼ਰਾਬ ਦੇ ਨਸ਼ੇ ਵਿੱਚ ਪਤਨੀ ਨਾਲ ਬਹਿਸ ਦੌਰਾਨ ਉਸ ’ਤੇ ਬੈਲਟ ਨਾਲ ਹਮਲਾ ਕੀਤਾ। ਇਸ ਤੋਂ ਪਹਿਲਾਂ ਵੀ ਦੋ family harm incidents ਵਿੱਚ ਉਸ ਨੂੰ ਮੁੱਖ ਹਮਲਾਵਰ ਦੱਸਿਆ ਗਿਆ ਸੀ।
ਇਸ ਤੋਂ ਕੁਝ ਮਹੀਨੇ ਬਾਅਦ ਜੂਨ 2025 ਵਿੱਚ ਉਸ ਨੇ ਸ਼ਰਾਬ ਪੀ ਕੇ ਗੱਡੀ ਚਲਾਉਂਦਿਆਂ ਦੋ ਵਾਹਨਾਂ ਨੂੰ ਟੱਕਰ ਮਾਰ ਦਿੱਤੀ। ਖੂਨ ਵਿੱਚ alcohol level 228mg/100ml ਮਿਲਿਆ। ਬਾਅਦ ਵਿੱਚ ਉਸ ਨੂੰ ਪਤਨੀ ਨਾਲ assault ਦੇ ਮਾਮਲੇ ਵਿੱਚ ਅੱਠ ਮਹੀਨੇ ਦੀ supervision ਅਤੇ drink-driving ਲਈ driving restrictions ਦਾ ਸਾਹਮਣਾ ਕਰਨਾ ਪਿਆ।
ਵਿਅਕਤੀ ਨੇ Tribunal ਵਿੱਚ ਦਲੀਲ ਦਿੱਤੀ ਕਿ ਉਹ ਆਪਣੇ ਦੋ ਬੱਚਿਆਂ ਦੀ ਦੇਖਭਾਲ ਕਰਦਾ ਹੈ ਅਤੇ ਉਸ ਦੀ ਪਤਨੀ nurse ਹੋਣ ਕਾਰਨ ਵੱਖ-ਵੱਖ shifts ਕਰਦੀ ਹੈ। ਉਸ ਨੇ ਭਾਰਤ ਵਾਪਸੀ ’ਤੇ ਰੋਜ਼ਗਾਰ, ਸਿਹਤ ਸਹੂਲਤਾਂ ਅਤੇ ਪਰਿਵਾਰਕ ਮੁਸ਼ਕਿਲਾਂ ਦਾ ਵੀ ਹਵਾਲਾ ਦਿੱਤਾ।
ਪਰ Tribunal ਨੇ ਕਿਹਾ ਕਿ ਇਹ ਹਾਲਾਤ “exceptional humanitarian circumstances” ਦੇ ਮਾਪਦੰਡ ਤੱਕ ਨਹੀਂ ਪਹੁੰਚਦੇ। ਫੈਸਲੇ ਵਿੱਚ ਇਹ ਵੀ ਮੰਨਿਆ ਗਿਆ ਕਿ ਪਰਿਵਾਰ ਲਈ ਵਿਛੋੜਾ ਮੁਸ਼ਕਿਲ ਹੋਵੇਗਾ, ਪਰ family violence ਅਤੇ alcohol misuse ਨੂੰ ਵੀ ਨਜ਼ਰਅੰਦਾਜ਼ ਨਹੀਂ ਕੀਤਾ ਜਾ ਸਕਦਾ।
ਹੁਣ ਵਿਅਕਤੀ ਨੂੰ ਪੰਜ ਮਹੀਨਿਆਂ ਬਾਅਦ ਨਿਊਜ਼ੀਲੈਂਡ ਛੱਡਣਾ ਪਵੇਗਾ। ਹਾਲਾਂਕਿ, Tribunal ਨੇ ਭਵਿੱਖ ਵਿੱਚ ਪਰਿਵਾਰ ਨੂੰ ਮਿਲਣ ਲਈ visa apply ਕਰਨ ਦਾ ਰਾਹ ਖੁੱਲ੍ਹਾ ਰੱਖਿਆ ਹੈ।