ਵੈਲਿੰਗਟਨ ‘ਚ ਇੱਕ ਚੱਲਦੀ ਕਾਰ ਵਿੱਚ ਸਵਾਰ ਵਿਅਕਤੀ ਨੇ ਪੇਂਟਬਾਲ ਗਨ ਨਾਲ ਬਾਰ ਦੇ ਬਾਹਰ ਖੜ੍ਹੇ ਇੱਕ ਮਰਦ ਅਤੇ ਔਰਤ ’ਤੇ ਗੋਲੀਬਾਰੀ ਕੀਤੀ ਹੈ। ਪੁਲਿਸ ਮੁਤਾਬਿਕ ਇਹ ਘਟਨਾ ਵੀਰਵਾਰ ਰਾਤ ਕਰੀਬ 10:50 ਵਜੇ ਵਾਪਰੀ।
ਪੁਲਿਸ ਨੇ ਦੱਸਿਆ ਕਿ CCTV ਫੁਟੇਜ ਵਿੱਚ ਇੱਕ ਮਰਦ ਅਤੇ ਔਰਤ ਨੂੰ Willis ਅਤੇ Dixon Streets ਦੇ ਕੋਨੇ ’ਤੇ ਸਥਿਤ ਇੱਕ ਬਾਰ ਦੇ ਬਾਹਰ ਖੜ੍ਹੇ ਦੇਖਿਆ ਗਿਆ। ਇਸ ਦੌਰਾਨ ਇੱਕ ਲੰਘ ਰਹੀ ਕਾਰ ਵਿੱਚੋਂ ਉਨ੍ਹਾਂ ਵੱਲ ਪੇਂਟਬਾਲ ਗਨ ਚਲਾਈ ਗਈ।
ਘਟਨਾ ਤੋਂ ਥੋੜ੍ਹੀ ਦੇਰ ਬਾਅਦ ਦੋਵਾਂ ਨੇ ਬਾਰ ਦੇ ਇੱਕ ਕਰਮਚਾਰੀ ਨਾਲ ਸੰਖੇਪ ਗੱਲਬਾਤ ਵੀ ਕੀਤੀ।
ਪੁਲਿਸ ਨੇ ਦੱਸਿਆ ਕਿ ਇਸ ਮਾਮਲੇ ਸਬੰਧੀ ਇੱਕ ਵਿਅਕਤੀ ਖ਼ਿਲਾਫ਼ ਚਾਰਜ ਲਗਾਇਆ ਗਿਆ ਹੈ। ਹਾਲਾਂਕਿ, ਪੁਲਿਸ ਇਸ ਘਟਨਾ ਵਿੱਚ ਪੇਂਟਬਾਲ ਗਨ ਨਾਲ ਨਿਸ਼ਾਨਾ ਬਣਾਏ ਗਏ ਮਰਦ ਅਤੇ ਔਰਤ ਨਾਲ ਗੱਲ ਕਰਨਾ ਚਾਹੁੰਦੀ ਹੈ।
ਪੁਲਿਸ ਅਨੁਸਾਰ ਦੋਵੇਂ ਵਿਅਕਤੀ ਇਸ ਮਾਮਲੇ ਵਿੱਚ ਪੀੜਤ ਅਤੇ/ਜਾਂ ਗਵਾਹ ਹਨ ਅਤੇ ਉਨ੍ਹਾਂ ’ਤੇ ਕਿਸੇ ਵੀ ਤਰ੍ਹਾਂ ਦੀ ਗੈਰਕਾਨੂੰਨੀ ਕਾਰਵਾਈ ਦਾ ਸ਼ੱਕ ਨਹੀਂ ਹੈ।