ਡੁਨੇਡਿਨ ਦੇ ਗੁਰਜੀਤ ਸਿੰਘ ਦੀ ਹੱਤਿਆ ਦੇ ਦੋਸ਼ੀ ਵਿਅਕਤੀ ਦੀ ਭੈਣ ਵੱਲੋਂ ਇੱਕ ਵੱਡਾ ਬਿਆਨ ਦਿੱਤਾ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਰਾਜਿੰਦਰ love triangle ਕਾਰਨ ਪ੍ਰੇਸ਼ਾਂਨ ਨਹੀਂ ਸੀ ਜੋ ਗੱਲਾਂ ਚੱਲ ਰਹੀਆਂ ਹਨ ਕਿ ਉਹ ਸਭ ਗਲਤ ਹਨ। ਰਾਜਿੰਦਰ ਦੀ ਭੈਣ ਦਾ ਕਹਿਣਾ ਹੈ ਕਿ ਜਦੋਂ ਉਸਨੂੰ ਪਤਾ ਲੱਗਾ ਕਿ ਉਸ ਨੂੰ ਇਨਕਾਰ ਕਰਨ ਵਾਲੀ ਕੁੜੀ ਨੇ ਗੁਰਜੀਤ ਸਿੰਘ ਨਾਲ ਵਿਆਹ ਕਰਵਾ ਲਿਆ ਹੈ ਤਾਂ ਉਹ ਪਰੇਸ਼ਾਨ ਨਹੀਂ ਹੋਇਆ ਸੀ ਉਨ੍ਹਾ ਇਹ ਬਿਆਨ ਅਦਾਲਤ ‘ਚ ਦਿੱਤਾ ਹੈ। 35 ਸਾਲਾ ਰਾਜਿੰਦਰ ਖਿਲਾਫ ਗੁਰਜੀਤ ਸਿੰਘ ਦੇ ਕਤਲ ‘ਚ ਹਾਈ ਕੋਰਟ ਵਿੱਚ ਮੁਕੱਦਮਾ ਚੱਲ ਰਿਹਾ ਹੈ। ਗੁਰਜੀਤ ਸਿੰਘ ਪਿਛਲੇ ਸਾਲ ਜਨਵਰੀ ਵਿੱਚ ਆਪਣੇ ਘਰ ਦੇ ਲਾਅਨ ਵਿੱਚ 40 ਤੋਂ ਵੱਧ ਵਾਰ ਚਾਕੂ ਮਾਰੇ ਹੋਏ ਹਲਾਤਾਂ ‘ਚ ਮਿਲਿਆ ਸੀ। ਹਾਈ ਕੋਰਟ ਨੇ ਗੁਰਜੀਤ ਸਿੰਘ, ਉਸਦੀ ਵਿਧਵਾ ਕਮਲਜੀਤ ਕੌਰ ਅਤੇ ਰਾਜਿੰਦਰ ਨਾਲ ਜੁੜੇ ਇੱਕ ਗੁੰਝਲਦਾਰ ਪ੍ਰੇਮ ਤਿਕੋਣ ਬਾਰੇ ਦਲੀਲਾਂ ਸੁਣੀਆਂ ਹਨ।
ਕੌਰ ਨੇ ਮੰਗਲਵਾਰ ਨੂੰ ਅਦਾਲਤ ਨੂੰ ਦੱਸਿਆ ਕਿ ਉਸਨੇ ਅਗਲੇ ਸਾਲ ਗੁਰਜੀਤ ਸਿੰਘ ਨਾਲ ਵਿਆਹ ਕਰਵਾਉਣ ਤੋਂ ਪਹਿਲਾਂ 2022 ਵਿੱਚ ਰਾਜਿੰਦਰ ਨੂੰ ਰੱਦ ਕਰ ਦਿੱਤਾ ਸੀ। ਦੂਜੇ ਪਾਸੇ ਰਾਜਿੰਦਰ ਦੀ ਭੈਣ ਹਰਮੀਤ ਕੌਰ ਨੇ ਕਿਹਾ ਕਿ ਕਮਲਜੀਤ ਕੌਰ ਦੇ ਪਰਿਵਾਰ ਨੇ 2022 ਵਿੱਚ ਉਸਦੇ ਭਰਾ ਨਾਲ ਵਿਆਹ ਕਰਵਾਉਣ ਲਈ ਉਸਦੇ ਪਰਿਵਾਰ ਨਾਲ ਦੋ ਵਾਰ ਸੰਪਰਕ ਕੀਤਾ ਸੀ ਪਰ ਉਨ੍ਹਾਂ ਨੇ ਪ੍ਰਸਤਾਵ ਨੂੰ ਰੱਦ ਕਰ ਦਿੱਤਾ ਸੀ। ਉਨ੍ਹਾਂ ਨੂੰ ਗੁਰਜੀਤ ਸਿੰਘ ਅਤੇ ਕਮਲਜੀਤ ਕੌਰ ਦੇ ਵਿਆਹ ਬਾਰੇ 2023 ਵਿੱਚ ਇੱਕ ਇੰਸਟਾਗ੍ਰਾਮ ਪੋਸਟ ਤੋਂ ਪਤਾ ਲੱਗਾ ਸੀ ਜਦੋਂ ਉਹ ਆਕਲੈਂਡ ਵਿੱਚ ਸਿੰਘ ਦੀ ਇੱਕ ਸਾਂਝੀ ਦੋਸਤ – ਹਰਜੀਤ ਕੌਰ – ਨਾਲ ਰਹਿ ਰਹੀ ਸੀ।
ਹਰਮੀਤ ਕੌਰ ਨੇ ਅਦਾਲਤ ਨੂੰ ਦੱਸਿਆ ਕਿ ਉਹ ਹੈਰਾਨ ਸੀ ਅਤੇ ਉਸਨੇ ਆਪਣੇ ਭਰਾ ਨੂੰ ਫ਼ੋਨ ਕੀਤਾ। ਉਸਨੇ ਅਦਾਲਤ ਨੂੰ ਦੱਸਿਆ ਕਿ ਰਾਜਿੰਦਰ ਵੀ ਹੈਰਾਨ ਸੀ ਪਰ ਪਰੇਸ਼ਾਨ ਨਹੀਂ ਸੀ, ਉਸ ਨੇ ਕਿਹਾ ਕੇ ਕਿ ਇਹ ਇੱਕ ਛੋਟੀ ਜਿਹੀ ਦੁਨੀਆਂ ਹੈ।
ਉਨ੍ਹਾਂ ਕਿਹਾ ਕਿ ਇੱਕ ਵਿਚੋਲੇ ਨੇ ਉਨ੍ਹਾਂ ‘ਤੇ ਕਮਲਜੀਤ ਕੌਰ ਨੂੰ ਸਵੀਕਾਰ ਕਰਨ ਲਈ ਜ਼ੋਰ ਪਾਇਆ ਸੀ, ਇਹ ਕਹਿ ਕੇ ਕਿ ਉਹ ਵਿਦੇਸ਼ ਜਾਣਾ ਚਾਹੁੰਦੀ ਸੀ। ਉਸਨੇ ਅੱਗੇ ਕਿਹਾ ਕਿ ਜਦੋਂ ਗੁਰਜੀਤ ਸਿੰਘ ਨੇ ਉਸਦੀ ਭੈਣ ਨਾਲ ਵਿਆਹ ਕਰਨ ਦੀ ਯੋਜਨਾ ਨੂੰ ਰੱਦ ਕਰ ਦਿੱਤਾ ਸੀ ਤਾਂ ਓਦੋਂ ਵੀ ਰਜਿੰਦਰ ਪਰੇਸ਼ਾਨ ਨਹੀਂ ਹੋਇਆ ਸੀ, ਕਿਉਂਕਿ ਉਸਨੇ ਸਵੀਕਾਰ ਕੀਤਾ ਕਿ ਉਹ ਬਹੁਤ ਛੋਟੀ ਹੈ।
ਦੱਸ ਦੇਈਏ 27 ਸਾਲਾ ਗੁਰਜੀਤ ਸਿੰਘ ਦੀ ਲਾਸ਼ ਪਿਛਲੇ ਸਾਲ ਜਨਵਰੀ ਵਿੱਚ ਲਿਬਰਟਨ ਵਿੱਚ ਉਸ ਦੇ ਘਰ ਤੋਂ ਥੋੜੀ ਦੂਰ ਜ਼ਖਮਾਂ ਤੇ ਖੂਨ ਨਾਲ ਲੱਥਪੱਥ ਮਿਲੀ ਸੀ। ਪਰ ਅਦਾਲਤ ਨੇ ਵੱਡਾ ਖੁਲਾਸਾ ਕੀਤਾ ਹੈ ਕਿ ਗੁਰਜੀਤ ਸਿੰਘ ਦੀ ਪਤਨੀ ਨੂੰ ਪਹਿਲਾਂ ਉਸ ਵਿਅਕਤੀ ਦੇ ਪਰਿਵਾਰ ਨੇ ਵਿਆਹ ਲਈ ਸੰਪਰਕ ਕੀਤਾ ਸੀ ਜਿਸ ‘ਤੇ ਉਸਦੇ ਪਤੀ ਦੀ ਹੱਤਿਆ ਦਾ ਦੋਸ਼ ਹੈ। ਗੁਰਜੀਤ ਨੂੰ ਉਸਦੇ ਦੋਸਤ ਨੇ 28 ਜਨਵਰੀ, 2024 ਨੂੰ ਉਸਦੇ ਲਿਬਰਟਨ ਘਰ ਦੇ ਬਾਹਰ ਬੇਹੋਸ਼ ਅਤੇ ਖੂਨ ਨਾਲ ਲੱਥਪੱਥ ਦੇਖਿਆ ਸੀ। ਫਿਲਹਾਲ ਹੁਣ ਇਹ ਮੁਕੱਦਮਾ ਤਿੰਨ ਹਫ਼ਤਿਆਂ ਲਈ ਮੁਲਤਵੀ ਹੈ।