ਅਕਸਰ ਚਰਚਾ ‘ਚ ਰਹਿਣ ਵਾਲੀ ਏਅਰ ਨਿਊਜ਼ੀਲੈਂਡ ਏਅਰਲਾਈਨ ਇੱਕ ਵਾਰ ਫਿਰ ਸੁਰਖੀਆਂ ਦੇ ਵਿੱਚ ਹੈ। ਇਸ ਵਾਰ ਏਅਰਲਾਈਨ ਦੀ ਚਰਚਾ ਕਿਰਾਇਆ ਦੇ ਕਾਰਨ ਹੈ। ਇੱਕ ਖਬਰ ਦੇ ਮੁਤਾਬਿਕ ਬੀਤੇ ਦਿਨੀ ਆਕਲੈਂਡ ਤੋਂ ਕਰਾਈਸਚਰਚ ਦੀ ਸ਼ਾਮ ਵੇਲੇ ਦੀ ਜੋ ਫਲਾਈਟ ਜੈੱਟਸਟਾਰ ਵੱਲੋਂ $70 ਵਿੱਚ ਮੁੱਹਈਆ ਕਰਵਾਈ ਜਾ ਰਹੀ ਸੀ ਉਹੀ ਫਲਾਈਟ ਏਅਰ ਨਿਊਜ਼ੀਲੈਂਡ ਦੇ ਵੱਲੋਂ 334 ਡਾਲਰ ਦੇ ਵਿੱਚ ਮੁੱਹਈਆ ਕਰਵਾਈ ਜਾ ਰਹੀ ਸੀ। ਜੇਕਰ ਇਸ ਕਿਰਾਏ ਦੇ ਵਿਚਕਾਰ ਅੰਤਰ ਦੀ ਗੱਲ ਕੀਤੀ ਜਾਵੇ ਤਾਂ ਉਹ ਪੰਜ ਗੁਣਾ ਬਣਦਾ ਹੈ ਸਿਰਫ ਇੱਥੇ ਹੀ ਬੱਸ ਨਹੀਂ ਇਸ ਤੋਂ ਇਲਾਵਾ ਇੱਕ ਰਾਤ ਦੀ ਫਲਾਈਟ ਜੋ ਜੈੱਟਸਟਾਰ ਦੇ ਵੱਲੋਂ 60 ਡਾਲਰ ਦੇ ਵਿੱਚ ਮੁੱਹਈਆ ਕਰਵਾਈ ਜਾ ਰਹੀ ਸੀ ਉਹੀ ਫਲਾਈਟ ਏਅਰ ਨਿਊਜ਼ੀਲੈਂਡ ਦੇ ਵੱਲੋਂ 411 ਦੇ ਵਿੱਚ ਮੁੱਹਈਆ ਕਰਵਾਈ ਜਾ ਰਹੀ ਸੀ। ਹੁਣ ਇਸ ਮਸਲੇ ਦੇ ਸਾਹਮਣੇ ਆਉਣ ਤੋਂ ਬਾਅਦ ਲੋਕਾਂ ਦੇ ਵੱਲੋਂ ਏਅਰ ਨਿਊਜ਼ੀਲੈਂਡ ਦੀ ਕਾਫੀ ਜਿਆਦਾ ਅਲੋਚਨਾ ਕੀਤੀ ਜਾ ਰਹੀ ਹੈ।
