ਨਿਊਜ਼ੀਲੈਂਡ ਵੱਸਦੇ ਭਾਰਤੀ ਭਾਈਚਾਰੇ ਲਈ ਇੱਕ ਵੱਡੀ ਅਤੇ ਮਾਣ ਵਾਲੀ ਖ਼ਬਰ ਸਾਹਮਣੇ ਆਈ ਹੈ। ਭਾਰਤੀ ਮੂਲ ਦੀ ਆਸ਼ੀਮਾ ਸਿੰਘ ਨੂੰ ਰੋਟਰੀ ਡਿਸਟ੍ਰਿਕਟ ਦੀ ਜ਼ਿਲ੍ਹਾ ਵਕੀਲ ਨਿਯੁਕਤ ਕੀਤਾ ਗਿਆ ਹੈ। ਇੱਕ ਸਥਾਨਕ ਰਿਪੋਰਟ ਅਨੁਸਾਰ ਆਸ਼ੀਮਾ ਸਿੰਘ ਇੱਕ ਨੋਟਰੀ ਪਬਲਿਕ, ਲੀਗਲ ਐਸੋਸੀਏਟਸ ਦੀ ਲੀਗਲ ਐਸੋਸੀਏਟ ਅਤੇ ਕਮਿਊਨਟੀ ਸਰਵਿਸ ਲਈ ਪੂਰੀ ਤਰ੍ਹਾਂ ਸਮਰਪਿਤ ਹਨ। ਉਹ 2023-2024 ਵਿੱਚ ਰੋਟਰੀ ਕਲੱਬ ਪਾਪਾਟੋਏਟੋਏ ਸੈਂਟਰਲ ਦੀ ਬੋਰਡ ਮੈਂਬਰ ਰਹਿ ਚੁੱਕੇ ਹਨ ਅਤੇ ਇਸ ਸਮੇਂ ਕਲੱਬ ਡਾਇਰੈਕਟਰ ਦੇ ਅਹੁਦੇ ‘ਤੇ ਕੰਮ ਕਰ ਰਹੇ ਹਨ। ਇੰਨਾਂ ਹੀ ਨਹੀਂ ਆਸ਼ੀਮਾ ਸਿੰਘ ਸਨਸਕਾਰ ਟਰੱਸਟ ਦੇ ਟਰੱਸਟੀ ਵੀ ਹਨ। ਆਕਲੈਂਡ ਅਤੇ ਪੈਸੀਫਿਕ ਟਾਪੂਆਂ ਨੂੰ ਕਵਰ ਕਰਦੀ ਹੋਈ ਰੋਟਰੀ ਡਿਸਟ੍ਰਿਕਟ 9920 ਵੱਲੋਂ ਕੀਤੇ ਗਏ ਐਲਾਨ ਨਾਲ ਆਸ਼ੀਮਾ ਸਿੰਘ ਦੇ ਨਾਲ ਨਾਲ ਭਾਰਤੀ ਭਾਈਚਾਰਾ ਵੀ ਮਾਣ ਮਹਿਸੂਸ ਕਰ ਰਿਹਾ ਹੈ।
