ਚੋਰਾਂ ਦੇ ਹੌਂਸਲੇ ਬੁਲੰਦ ! ਸ਼ਰਾਬ ਸਟੋਰ ‘ਤੇ ਲੁੱਟ ਕਰਨ ਆਏ ਜੋੜੇ ਨੇ ਕਰਮਚਾਰੀ ਕੀਤਾ ਜਖਮੀ, ਦੋਸ਼ੀਆਂ ਦੀ ਭਾਲ ਜਾਰੀ

Auckland liquor store worker hospitalised

ਆਕਲੈਂਡ ਦੇ ਇੱਕ ਸ਼ਰਾਬ ਸਟੋਰ ਵਿੱਚ ਲੁੱਟ ਦੀ ਵਾਰਦਾਤ ਨੂੰ ਅੰਜਾਮ ਦੇਣ ਅਤੇ ਸਟੋਰ ਕਰਮਚਾਰੀ ਨੂੰ ਗੰਭੀਰ ਰੂਪ ਵਿੱਚ ਜਖਮੀ ਕਰਨ ਦੀ ਖਬਰ ਸਾਹਮਣੇ ਆਈ ਹੈ। ਜਾਣਕਾਰੀ ਦੇ ਅਨੁਸਾਰ ਆਕਲੈਂਡ ਦੇ ਇੱਕ ਸ਼ਰਾਬ ਸਟੋਰ ਦੇ ਇੱਕ ਕਰਮਚਾਰੀ ਨੂੰ ਬੀਤੀ ਰਾਤ ਹੋਈ ਲੁੱਟ ਤੋਂ ਬਾਅਦ ਗੰਭੀਰ ਹਾਲਤ ਵਿੱਚ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ ਹੈ। ਪੁਲਿਸ ਇਸ ਮਾਮਲੇ ਸਬੰਧੀ ਇੱਕ ਆਦਮੀ ਅਤੇ ਇੱਕ ਔਰਤ ਦੀ ਭਾਲ ਕਰ ਰਹੀ ਹੈ। ਦਰਅਸਲ ਪੁਲਿਸ ਅਨੁਸਾਰ ਦੋ ਕਥਿਤ ਅਪਰਾਧੀ, ਇੱਕ ਮਰਦ ਅਤੇ ਇੱਕ ਔਰਤ, ਸ਼ਾਮ 7 ਵਜੇ ਤੋਂ ਤੁਰੰਤ ਬਾਅਦ ਕਵੀਨ ਸਟ੍ਰੀਟ ਉੱਤੇ ਇੱਕ ਸ਼ਰਾਬ ਦੀ ਦੁਕਾਨ ਵਿੱਚ ਦਾਖਲ ਹੋਏ।

ਪੁਲਿਸ ਨੇ ਦੱਸਿਆ, “ਸਟੋਰ ਦੇ ਇੱਕ ਕਰਮਚਾਰੀ ‘ਤੇ ਇੱਕ ਹਥਿਆਰ ਨਾਲ ਵਾਰ ਕੀਤਾ ਗਿਆ, ਜਿਸ ਕਾਰਨ ਅਪਰਾਧੀਆਂ ਨਾਲ ਝਗੜੇ ਦੌਰਾਨ ਕਰਮਚਾਰੀ ਗੰਭੀਰ ਰੂਪ ਵਿੱਚ ਜ਼ਖਮੀ ਹੋ ਗਿਆ ਹੈ।” ਹਾਲਾਂਕਿ ਪੀੜਤ ਇਸ ਸਮੇਂ ਹਸਪਤਾਲ ਵਿੱਚ ਸਥਿਰ ਹਾਲਤ ਵਿੱਚ ਹੈ। ਪੀੜਤ ਲਈ ਇਹ ਦੁਖਦਾਈ ਘਟਨਾ ਸੀ, ਜਿਸ ਨੂੰ ਇਸ ਸਮੇ ਸਹਾਇਤਾ ਪ੍ਰਦਾਨ ਕੀਤੀ ਜਾ ਰਹੀ ਹੈ। ਪੁਲਿਸ ਨੇ ਜਾਂਚ ਦੇ ਹਿੱਸੇ ਵਜੋਂ ਦੋ ਲੋਕਾਂ ਦੀ ਸੀਸੀਟੀਵੀ ਤਸਵੀਰ ਵੀ ਜਾਰੀ ਕੀਤੀ ਹੈ। ਆਕਲੈਂਡ ਸਿਟੀ ਪੁਲਿਸ ਨੇ ਆਮ ਲੋਕਾਂ ਨੂੰ ਵੀ ਕਥਿਤ ਦੋਸ਼ੀਆਂ ਦੀ ਜਾਣਕਰੀ ਗੁਪਤ ਤੌਰ ‘ਤੇ ਸੰਪਰਕ ਕਰ ਦੇਣ ਦੀ ਅਪੀਲ ਕੀਤੀ ਹੈ।

Leave a Reply

Your email address will not be published. Required fields are marked *