ਸੈਂਟਰਲ ਆਕਲੈਂਡ ਦੇ ਓਟੀਆ ਸਕੁਏਰ ਨੂੰ ਅੱਜ ਅਚਾਨਕ ਪੁਲਿਸ ਦੇ ਵੱਲੋਂ ਖਾਲੀ ਕਰਵਾਏ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। Aotea Centre ਦੇ ਬਿਲਡਿੰਗ ਸੁਰੱਖਿਆ ਸਟਾਫ ਨੇ ਮੰਗਲਵਾਰ ਸਵੇਰੇ 9 ਵਜੇ ਤੋਂ ਠੀਕ ਪਹਿਲਾਂ ਪੁਲਿਸ ਨੂੰ ਇੱਕ ਅਣਪਛਾਤਾ ਬੈਗ ਮਿਲਣ ਦੀ ਸੂਚਨਾ ਦਿੱਤੀ ਸੀ। ਅੰਦਰ ਕੰਮ ਕਰਨ ਵਾਲੇ ਸਟਾਫ ਮੈਂਬਰਾਂ ਨੇ ਸਾਵਧਾਨੀ ਵੱਜੋਂ ਇਮਾਰਤ ਖਾਲੀ ਕਰਨ ਦਾ ਫੈਸਲਾ ਕੀਤਾ ਸੀ। ਇਸ ਮਗਰੋਂ ਪੁਲਿਸ ਸਪੈਸ਼ਲਿਸਟ ਸਰਚ ਗਰੁੱਪ ਨੇ ਬੈਗ ਦੀ ਜਾਂਚ ਕੀਤੀ ਅਤੇ ਪੁਲਿਸ ਦਾ ਕਹਿਣਾ ਹੈ ਕਿ ਚਿੰਤਾ ਦਾ ਕੋਈ ਹੋਰ ਕਾਰਨ ਨਹੀਂ ਹੈ। ਇੱਕ ਪੁਲਿਸ ਬੁਲਾਰੇ ਨੇ ਕਿਹਾ ਕਿ, “ਲੋਕ ਆਪਣੇ ਕੰਮ ਕਰਨ ਲਈ ਵਾਪਿਸ ਇਮਾਰਤ ‘ਚ ਆ ਸਕਦੇ ਹਨ।” ਇੰਸਪੈਕਟਰ ਪੀਟਰ ਰੇਨਸ ਨੇ ਪਹਿਲਾਂ ਕਿਹਾ ਸੀ ਕਿ ਪੁਲਿਸ ਕੋਈ ਜੋਖਮ ਨਹੀਂ ਲੈ ਰਹੀ ਹੈ।
