ਆਸਟ੍ਰੇਲੀਆਈ ਟੈਨਿਸ ਖਿਡਾਰੀ ਐਲੈਕਸ ਡੀ ਮਿਨੌਰ ਨੂੰ ਹੋਇਆ ਕੋਰੋਨਾ, ਓਲੰਪਿਕਸ ਤੋਂ ਵੀ ਹੋਏ ਬਾਹਰ

australias alex de minaur tests positive

ਜਾਪਾਨ ਦੀ ਰਾਜਧਾਨੀ ਟੋਕਿਓ ਵਿੱਚ 23 ਜੁਲਾਈ ਤੋਂ ਸ਼ੁਰੂ ਹੋਣ ਵਾਲੀਆਂ ਓਲੰਪਿਕ ਖੇਡਾਂ ਵਿੱਚ ਕੋਰੋਨਾ ਵਾਇਰਸ ਦਾ ਖ਼ਤਰਾ ਵੱਧਦਾ ਜਾ ਰਿਹਾ ਹੈ। ਆਸਟ੍ਰੇਲੀਆ ਦੇ ਟੈਨਿਸ ਖਿਡਾਰੀ ਐਲੈਕਸ ਡੀ ਮਿਨੌਰ ਦੀ ਕੋਰੋਨਾ ਟੈਸਟ ਦੀ ਰਿਪੋਰਟ ਸਕਾਰਾਤਮਕ ਆਈ ਹੈ। ਅਲੈਕਸ ਡੀ ਮਿਨੌਰ ਨੂੰ ਕੋਵਿਡ ਸਕਾਰਾਤਮਕ ਹੋਣ ਕਰਕੇ ਓਲੰਪਿਕ ਤੋਂ ਬਾਹਰ ਕਰ ਦਿੱਤਾ ਗਿਆ ਹੈ।

ਆਸਟ੍ਰੇਲੀਆਈ ਓਲੰਪਿਕ ਟੀਮ ਦੇ ਟੀਮ ਮੁਖੀ ਇਆਨ ਚੈਸਟਰਮੈਨ ਨੇ ਜਾਣਕਾਰੀ ਦਿੱਤੀ ਹੈ ਕਿ ਐਲੈਕਸ ਕੋਵਿਡ ਸਕਾਰਾਤਮਕ ਹੈ। ਇਆਨ ਨੇ ਮੀਡੀਆ ਨੂੰ ਦੱਸਿਆ ਕਿ ਐਲਿਕਸ ਮਿਨੌਰ ਕੋਵਿਡ ਸਕਾਰਾਤਮਕ ਹੋਣ ਕਾਰਨ ਬਹੁਤ ਦੁਖੀ ਹੈ। ਉਨ੍ਹਾਂ ਨੇ ਕਿਹਾ, “ਅਸੀਂ ਸਾਰੇ ਐਲੈਕਸ ਲਈ ਦੁਖੀ ਹਾਂ। ਓਲੰਪਿਕ ਵਿੱਚ ਆਸਟ੍ਰੇਲੀਆ ਲਈ ਖੇਡਣਾ ਉਸ ਦਾ ਬਚਪਨ ਦਾ ਸੁਪਨਾ ਸੀ।” ਵਿਸ਼ਵ ਰੈਂਕਿੰਗ ਵਿੱਚ 17 ਵੇਂ ਨੰਬਰ ‘ਤੇ ਕਾਬਜ਼ ਮਿਨੌਰ ਨੇ ਸਿੰਗਲਜ਼ ਅਤੇ ਡਬਲਜ਼ ਦੋਵਾਂ ਮੁਕਾਬਲਿਆਂ ਵਿੱਚ ਖੇਡਣਾ ਸੀ।

Leave a Reply

Your email address will not be published. Required fields are marked *