ਵਿੱਤ ਮੰਤਰੀ ਨਿਕੋਲਾ ਵਿਲਿਸ ਨੇ ਨਿਊਜ਼ੀਲੈਂਡ ਵਾਸੀਆਂ ਨੂੰ ਵੱਡੀ ਰਾਹਤ ਦਿੱਤੀ ਹੈ। ਦਰਅਸਲ ਸਰਕਾਰ ਨੇ ਦੀ ਪ੍ਰਮੁੱਖ ਫੈਮਿਲੀਬੂਸਟ ਸਕੀਮ ਤੋਂ Childcare rebates ਦੇ ਵਿਸਤਾਰ ਦਾ ਐਲਾਨ ਕੀਤਾ ਹੈ। ਵਿਲਿਸ ਨੇ ਸੋਮਵਾਰ ਸਵੇਰੇ ਤਬਦੀਲੀਆਂ ਦਾ ਐਲਾਨ ਕੀਤਾ, ਜਿਸ ਮੁਤਾਬਿਕ ਹਫਤਾਵਾਰੀ ਫੀਸਾਂ ‘ਤੇ ਛੋਟਾਂ 25% ਤੋਂ ਵਧਾ ਕੇ 40% ਕੀਤੀਆਂ ਗਈਆਂ ਹਨ। $229,000 ਤੱਕ ਦੀ ਘਰੇਲੂ ਆਮਦਨ ਵਾਲੇ ਵੀ ਹੁਣ ਅਰਜ਼ੀ ਦੇਣ ਦੇ ਯੋਗ ਹਨ। ਇਹ ਪ੍ਰੋਗਰਾਮ ਵਿੱਚ ਉਮੀਦ ਤੋਂ ਘੱਟ ਵਾਧਾ ਦੇਖਣ ਤੋਂ ਬਾਅਦ ਆਇਆ ਹੈ। ਹੁਣ ਹੋਰ ਵਧੇਰੇ ਪਰਿਵਾਰ ਇਸ ਸਕੀਮ ਦਾ ਲਾਭ ਲੈ ਸਕਣਗੇ।
ਪਰਿਵਾਰ ਹਰ ਤਿੰਨ ਮਹੀਨੇ ਬਾਅਦ ਆਪਣੇ ECE ਫੀਸ ਦੀਆਂ ਰਸੀਦਾਂ IRD ਵੈਬਸਾਈਟ ‘ਤੇ ਅੱਪਲੋਡ ਕਰਕੇ ਰੀਫੰਡ ਲੈ ਸਕਣਗੇ। ਨਵੀਂ ਤਬਦੀਲੀ ਅਕਤੂਬਰ 2025 ਤੋਂ ਲਾਗੂ ਹੋਏਗੀ।ਸਰਕਾਰੀ ਅੰਕੜਿਆਂ ਅਨੁਸਾਰ, ਹੁਣ ਲਗਭਗ 92,000 ਪਰਿਵਾਰਾਂ ਨੂੰ ਇਹ ਲਾਭ ਮਿਲਣ ਦੀ ਸੰਭਾਵਨਾ ਹੈ। ਵੱਧ ਤੋਂ ਵੱਧ ਰਿਫੰਡ ਸਿਰਫ਼ ਉਨ੍ਹਾਂ ਲਈ ਉਪਲਬਧ ਹੈ ਜੋ $300 ਜਾਂ ਇਸ ਤੋਂ ਵੱਧ ਦੀ ਹਫ਼ਤਾਵਾਰੀ ਫੀਸ ਅਦਾ ਕਰਦੇ ਹਨ। “FamilyBoost ਦਾ ਭੁਗਤਾਨ ਹਰ ਤਿੰਨ ਮਹੀਨਿਆਂ ਬਾਅਦ ਕੀਤਾ ਜਾਂਦਾ ਹੈ। ਇਹ ਬਦਲਾਅ 1 ਜੁਲਾਈ ਤੋਂ ਅਦਾ ਕੀਤੀਆਂ ਜਾਣ ਵਾਲੀਆਂ ਫੀਸਾਂ ‘ਤੇ ਲਾਗੂ ਹੋਣਗੇ, ਅਤੇ ਦਾਅਵੇ 1 ਅਕਤੂਬਰ ਤੋਂ ਕੀਤੇ ਜਾ ਸਕਣਗੇ।